កណ្ដាល៖ សមត្ថកិច្ចបានឃាត់ខ្លួនយុវជនម្នាក់ ក្រោយរំលោភអនិតិជនម្នាក់បានសម្រេចរហទូដល់ទៅ៣ដង កាលពីថ្ងៃ អង្គារ៍ ៣ កើត ខែ ស្រាពណ៍ ឆ្នាំច សំរឹទ្ធិស័ក ព-ស២៥៦២ ត្រូវនឹងថ្ងៃទី ១៤ ខែ សីហា ឆ្នាំ ២០១៨ វេលាម៉ោង ២០ និង៣០នាទី នៅចំណុច ផ្ទះឈ្មោះឆុន ឆុង ស្ថិតភូមិទួលខ្មួញ ឃុំទឹកវិល ស្រុកស្អាង ខេត្តកណ្តាល។
ជនរងគ្រោះ មានអាយុ១៤ ឆ្នាំ ជនជាតិខ្មែរ មុខរបរ (ក្នុងបន្ទុកគ្រួសារ)មានឪពុកម្ដាយជា កសិករ មានទីលំនៅភូមិព្រែកស្នងឃំុ ព្រែកគយ ស្រុកស្អាង ខេត្ត កណ្តាល។
ជនសង្ស័យ ឈ្មោះ ឆុន ឆុង ភេទប្រុស អាយុ១៨ ឆ្នាំ ជនជាតិខ្មែរមុខរបរកម្មករច្រកបន្លែស្ពៃ មានទីលំនៅភូមិទួលខ្មួញ ឃុំទឹកវិល ស្រុកស្អាង ខេត្តកណ្តាល។
បើតាមសមត្ថកិច្ចបានឲ្យដឹងថា នៅថ្ងៃទី១៤ ខែសីហា ឆ្នាំ ២០១៨ វេលាម៉ោង១៦ នឹង៤០នាទី ពេលនោះមានឈ្មោះឆុន ឆុង បានមកស៊ីឈ្នួលច្រកស្ពៃឲ្យឈ្មោះប្រុស នៅភូមិព្រែកស្នង ឃុំ ព្រែកគយ ហើយស្គាល់រាប់អានជិតស្និទ្ធជាមួយ នារីរងគ្រោះ ក៏បានបបួលគ្នាទៅលេងផ្ទះរបស់ខ្លួន ដោយខ្ចីម៉ូតូរបស់ឈ្មោះប្រុស ជិះឌុបគ្នាទៅ ។ ពេលទៅដល់ផ្ទះឈ្មោះឆុន ឆុង នៅម៉ោង១៧ និង០០នាទី (ថ្ងៃដដែល) ក្រោយពេលហូបបាយល្ងាចរួច ឈ្មោះឆុន ឆុង និយាយប្រាប់ជនរងគ្រោះថា យប់ហើយ ដេកនៅហ្នឹងទៅ ចាំព្រឹកត្រឡប់ទៅវិញ ចំណែកជនរងគ្រោះ បានយល់ព្រមដេកនៅផ្ទះឈ្មោះឆុន ឆុងដែរ។
លុះវេលាម៉ោង ២០និង០០នាទី (ថ្ងៃដដែល)ឈ្មោះឆុន ឆុង និងជនរងគ្រោះ បានចូលដេកក្នុងមុងជាមួយគ្នា បានបន្ដិចក្រោយមក ទើបអ្នកទាំងពីររួមភេទជាមួយគ្នាបានសម្រេចចំនួន៣លើក(ជាបន្ដបន្ទាប់)។
រហូតព្រឹកថ្ងៃទី១៥ខែសីហាឆ្នាំ២០១៨ ទើបឪពុកម្ដាយរបស់ជនរងគ្រោះ ប្ដឹងមកសមត្ថកិច្ចនគរបាល ភ្លាមនោះយើងអន្ដរាគមន៍ដល់កន្លែងកើតហេតុ និងបាននាំខ្លួនឈ្មោះឆុន ឆុង មកសាកសួរនៅអធិការដ្ឋាននគរបាលស្រុកស្អាងដើម្បីបន្ដអនុវត្តតាមនីតិវីធី ។
