Friday, August 3, 2018

ដែនជម្រកសត្វព្រៃភ្នំព្រេច ពីមួយថ្ងៃទៅមួយថ្ងៃកាន់តែរលាយ ដោយឈ្មួញលួចឈូសឆាយយកដីខុសច្បាប់

ពិសី

មណ្ឌលគិរីៈ ដីព្រៃរបស់រដ្ឋនៅតំបន់របៀងដែនជម្រកសត្វព្រៃភ្នំព្រេច និងលំផាត់ រងការឈួសឆាយមានទ្រង់ទ្រាយធំ អស់រយៈពេលជាង២ខែមកហើយ មកដល់ខែសីហានេះ ស្ថិតនៅភូមរយ៉លើ ឃំុរយ៉ ស្រុកកោះញែក ជាងមួយពាន់ហិកតាកំពុងរងការឈួសឆាយពីក្រុមឈ្មួញ ដោយមានការឃុបឃិត និងមន្រ្តីខ្នងក្រាស់យកធ្វើកម្មសិទ្ធិ និងលក់បន្ត ខណៈដែលមេព្រៃ និងបរិស្ថានកំពុងឆ្លើយដាក់គ្នា ។ 

ចំណែក អាជ្ញាធរ​ស្រុក និងខេត្ត​គ្រប់ជំនាញហាក់​​នៅ​ស្ងៀមស្ងាត់ ទោះ​មាន​សកម្មភាព​ឈូស​​ឆាយ​ជា​​យូរ​ថ្ងៃខែ​មក​​ហើយ​ក្តី ។

ប្រភពពីប្រជា​សហ​គម​ន៍​​ភូមិរ​យ៉​បានឲ្យដឹង​ថា គេ​បានឃើញ​គ្រឿងចក្រ​ធុន​ធំ​ជា​ច្រើន​គ្រឿង​ ដូច​ជា​អេ​ស្ការ​វ៉ា​ទ័​រ ត្រាក់ទ័រ ម៉ាស៊ីន​អារឈើ រួម​​ និង​មនុស្ស​ប្រមាណ​ជាង​១០​នាក់ បាន​ចូល​ទៅ​តំបន់​ខាងលើ​ ត្រង់ចំណុចអូរ​តាំ​ហ​ច​(​ភូមិរ​យ៉​លើ​) ត្រពាំង​តា​ទូត ត្រពាំង​ទឹកល្អក់​(​ភូមិរ​វ៉ា​ក់​) តាំងពី​មុន​​ថ្ងៃ​បោះ​ឆ្នោត ពោល​​គឺ​អំឡុង​ខែ​៥ (ជាង​ពីរ​ខែ​មក​ហើយ) ​ ។

ប្រភព​បន្ត​ថា" មនុស្ស​មួយ​ក្រុម​នោះ​ ត្រូវ​បាន​គេ​មើលឃើញ​ថា" ចាប់ផ្តើម​វាយ​ផ្តួល​ដើមឈើ​រាប់​ម៉ឺន​ដើម កាប់​អារ​​ឈួ​ស​ឆាយ​យក​ដី​ ដោយ​គ្មាន​ខ្លាចរអារ​ច្បាប់​បន្តិច​សោះ ទោះបី​តំបន់​ពួក​គេ​ធ្វើ​សកម្ម​ភាព​​ជា​ព្រៃឈើ​បម្រុង​​ទុក​របស់​រដ្ឋ​ក៏​ដោយ​ ។

លោក ស៊ិន វណ្ណវឌ្ឍ អភិបាលស្រុក បានផ្តល់បទសម្ភាសឲ្យអ្នកសារព័ត៌មានយើងនៅព្រឹកថ្ងៃទី២ ខែសីហា ឆ្នាំ២០១៨ថា «ជុំវិញរឿងដីព្រៃដែលថា មានគេឈួសឆាយនៅតំបន់នោះ ខ្ញុំមិនបានដឹងទេ ដោយមូហេតុខ្ញុំមកកាន់ស្រុកកោះញែកថ្មី មិនស្គាល់ភូមិសាស្រ្តទេ សូមសួរទៅបរិស្ថាន ឬមេព្រៃទៅ» ។

លោក អ៊ុំវណ្ណ សុភ័ត្រ នាយខណ្ឌរដ្ឋបាលព្រៃឈើខេត្តមណ្ឌលគិរី បានឆ្លើយបដិសេធន៍ថា "ខ្ញុំអត់ដឹងទេ ដោយដីនៅ​ចំណុច​ហ្នឹង​ ច្រករបៀង សូមសួរទៅបរិស្ថាន មិនមែន​ជា​ដី​ដែលគ្រប់គ្រង​​ដោយ​រដ្ឋបាល​ព្រៃឈើ​ទេ លោកបន្តថា "បរិស្ថានម៉េចនិយាយអញ្ចឹង ។

អ្នកសារព័ត៌មានយើងបានបន្តសួរទៅលោក ហាន សុខន (ហៅថា) នាយដែនជម្រកសត្វព្រៃភ្នំព្រេច លោកបានឆ្លើយថា "សួរទៅមេព្រៃ​ ខ្ញុំអត់ដឹងទេ ព្រោះខ្ញុំ បានឃាត់ប៉ុន្មានដងហើយ តែមានអ្នកអះអាងគេប្រាប់ថា ដីប្រជាពលរដ្ឋ បើបងចង់ដឹងច្បាស់ទៅសួរម្នាក់ហ្នុងទៅ ។

ចំណែកលោក កែវ សុភគ៌ ប្រធានមន្ទីរបរិស្ថាន លោកបានប្រាប់ថា "ម្តុំនោះ ជាដី០០១ភាគច្រើន ឯការគ្រប់គ្រង បរិស្ថានខ្លះ មេព្រៃខ្លះ ។ នៅក្នុងចម្លើយមន្ត្រីមានសមត្ថកិច្ចក្នុងដែនសមត្ថកិច្ចរបស់លោកគ្រប់គ្រងទាំងពីស្ថាប័ន ហាក់កំពុងឆ្លើយដោះសាររៀងខ្លួនយ៉ាងនេះ តើលោកស្វាយ សំអ៊ាង បានជ្រាបទេ? បើសិនបានជ្រាបតាមរយៈព័ត៌មានហើយ តើលោកមានវិធានការយ៉ាងណាចំពោះព័ត៌មាននេះ? ៕

@Amapapa.News

Feature Ads