Friday, August 17, 2018

រថយន្តសាំយ៉ុង បើកគេចពីម៉ូតូ ទៅបុកក្បាលនាគពុះចែកទ្រូងផ្លូវ ចាក់ផ្លែឈើពេញផ្លូវ

អាម៉ាប៉ាប៉ាញ៉ូស

រាជធានី​ភ្នំពេញ ៖​ រថយន្តម៉ាកសាំយ៉ុងមួយគ្រឿងដែលដឹកផ្លែឈើពេញរថយន្តមកពីផ្សារទម្លាប់បំណងយកមកដាក់អោយម៉ូយនៅផ្សារនាគមាសក៏ជួបគ្រោះថ្នាក់ចរាចរណ៍បុករបាំងថ្មពុះចែកទ្រូងផ្លូវបណ្តាលអោយរងការខូចខាតយ៉ាងដំណំ។

ហេតុការណ៍​គ្រោះថ្នាក់ចរាចរណ៍​នេះបានកើតឡើងកាលពីវេលាម៉ោង០១:៣០នាទីរំលងអាធ្រាតឈានចូលថ្ងៃទី១៧​ ខែសីហា​ ឆ្នាំ២០១៨​ នៅចំណុចមុខវត្តស្ទឹងមានជ័យ​ ផ្លូវព្រះមុនីរ៉េត(២១៧) ស្ថិតក្នុងសង្កាត់ស្ទឹងមានជ័យ១​ ខណ្ឌមានជ័យ​ រាជធានីភ្នំពេញ​។

តាមសាក្សីនៅកន្លែងកើតហេតុបានអោយដឹងថាមុនពេលកើតហេតុ គេបានឃើញរថយន្តម៉ាកសាំយ៉ុង​ ពណ៍លឿង​ ពាក់ស្លាកលេខភ្នំពេញ 2Z-0519 ដែលដឹកផ្លែឈើពេញរថយន្តធ្វើដំណើរតាមបណ្តោយផ្លូវមុន្នីរ៉េត​ កនុងទិសដៅពីត្បូងទៅជើងខណះមកដល់ចំណុចកើតហេតុស្រាប់តែគេចពីម៉ូតូមួយគ្រឿងនៅខាងមុខបួងចង្កូតជ្រុលទៅបុករបាំងថ្មពុះចែកទ្រូងផ្លូវបណ្តាលអោយរងការខូចខាតរថយន្តផ្នែកខាងមុខយ៉ាងដំណំចំណែករបាំថ្មរងការខូចខាតបន្តិចបន្តួច។

បើតាមការបញ្ជាក់ពីម្ចាស់រថយន្តបានអោយដឹងថា​ មុនពេលកើតហេតុរូបគាត់បានដឹកផ្លែឈើពីផ្សារទម្លាប់ខេត្តតាកែវ​ បំណងយកមកដាក់អោយម៉ូយនៅផ្សារនាគមាសខណះមកដល់ចំណុចកើតហេតុក៏បានគេចពីម៉ូតូមួយគ្រឿងក៏ជ្រុលបុករបាំងថ្មពុះចែកទ្រូងផ្លូវបែបនេះតែម្តង។

ក្រោយពេលកើតហេតុនគរបាលមូលដ្ឋានបានចុះមកដល់ចំណុចកើតហេតុនិងទំនាក់ទំនងទៅជំនាញមកស្ទូចនៅចរាចរណ៍ជើងគោករាជធានីភ្នំពេញរងចាំដោះស្រាយតាមច្បាប់៕

@Amapapa.News

Feature Ads