Sunday, August 19, 2018

ទាហាន បុកប៉ូលិស ស្លាប់

អាម៉ាប៉ាប៉ាញ៉ូស

ស្ទឹងត្រែងៈ ករណីគ្រោះថ្នាក់ចរាចរណ៍មួយ កើតឡើងនៅចំណុចស្ពានអូរគ្លៀងចន្លោះបង្គោលលេខ៣៧-៣៨ កាលពី​វេលាម៉ោង៣៖៣០នាទីរសៀលថ្ងៃទី១៨ ខែសីហា ឆ្នាំ២០១៨ រវាងរថយន្តស្លាកលេខ ខេមរភូមិន្ទ បុកជាមួយម៉ូតូហុងដា សេ១២៥ បណ្ដាលយុវជនម្នាក់ មុខងារជាប៉ូលិស ស្លាប់ភ្លាមនៅនឹងកន្លែងកើតហេតុ។

សមត្ថកិច្ចមូលដ្ឋាន​ បានឲ្យដឹងថា គ្រោះថ្នាក់ចរាចរណ៍ខាងលើនេះ បង្កឡើងដោយរថយន្តម៉ាកវីហ្គោ ពណ៌ត្រេអ៊ី ស្លាកលេខ 2.7733 ខេមរភូមិមិន បើកបរដោយ​ឈ្មោះ ចាន់ វិត ជាមន្រ្តីយោធាផ្នែកសឹករងស្រុកសៀមប៉ាង ប្រចាំការនៅភូមិខាំភោគ បានបុកជាមួយម៉ូតូហុងដា សេ ១២៥ ពណ៌ខ្មៅ សេរីឆ្នាំ២០០៧ បើកបរដោយ​ឈ្មោះ ធី សុចិត្រា ភេទប្រុស អាយុ២១ឆ្នាំ ជាជាមន្រ្តីប៉ូលិស​ព្រំដែនប្រចាំការនៅខាំភោគ បណ្ដាលឲ្យស្លាប់ភ្លាមៗ។

ក្រោយកើតហេតុរថយន្ត និងម៉ូតូ ត្រូវបានសមត្ថកិច្ចអូសមករក្សាទុក ដើម្បីរង់ចាំធ្វើការដោះស្រាយតាមនីតិវិធីច្បាប់។ ចំណែកសាកសពជនរងគ្រោះ សមត្ថកិច្ចបានប្រគល់ជូនក្រុមគ្រួសារធ្វើបុណ្យតាមប្រពៃណី៕

@Amapapa.News

Feature Ads