Wednesday, August 8, 2018

បុណ្យសមុទ្រ លើកទី៧ ជុំទី២ គ្រោងធ្វើនៅខេត្តកោះកុង

ពិសី

ភ្នំពេញៈ ក្រសួងទេសចរណ៍ គ្រោងនឹងរៀបចំបុណ្យសមុទ្រលើកទី៧ ជុំទី២ នៅខេត្តកោះ​​ ចាប់​​​​ពីថ្ងៃ​ទី១៤ ដល់ថ្ងៃទី១៦ ខែធ្នូ ឆ្នាំ២០១៨​ ​​​ខាងមុខនេះ ដើម្បីទាក់ទាញ​​ភ្ញៀវទេសច​​រឲ្យ​​កាន់តែ​​ច្រើន​។

បើយោតាមលិខិតរបស់ក្រសួងទេសចរណ៍ផ្ញើរជួនលោកស្រី​អភិបាលខេត្តកោះកុង កាលពីថ្ងៃទី៦ សីហានេះ បានឲ្យដឹងថា​ នៅថ្ងៃទី១៤ ខែសីហាខាងមុខនេះ លោក​ ថោង ខុន រដ្ឋម​​ន្ត្រីក្រ​​សួង​​ទេសចរ​​​ណ៍ ​​​​​​នឹងដឹកនាំកិច្ចប្រជុំជាមួយអាជ្ញាធរខេត្តកោះ​​កុង ដើម្បីត្រៀម​​រៀប​​ចំបុណ្យ​​​​​​សមុទ្រឆ្នាំនេះ​​ឲ្យកាន់​តែ​ទទួល​បានជោគជ័យ។

សូមបញ្ជាក់ថា  បុណ្យសមុទ្របានធ្វើឡើងចំនួន៦លើករួចមកហើយ គឺលើកទី១​​ប្រារព្ធ​​ឡើង​​នៅ​​ខេត្ត​ព្រះសីហនុ  លើកទី២ ខេត្តកែប លើកទី៣ខេត្ត កោះកុង លើកទី៤ខេត្តកំពត លើកទី៥ ខេត្ត ព្រះសីហនុ និងលើកទី៦នៅខេត្តកែប៕

@Amapapa.News

Feature Ads