ភ្នំពេញ៖ នៅថ្ងៃព្រហស្បតិ៍ ១២កើត ខែស្រាពណ៌ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៣ ខែសីហា ឆ្នាំ២០១៨ វេលាម៉ោង ០៨និង៣០នាទី ការិយាល័យស៊ើបអង្កេតនិងអនុវត្តនីតិវិធី បានសហការជាមួយសមត្ថកិច្ចមូលដ្ឋានប៉ុស្តិ៍បឹងទំពុន១ ខណ្ឌមានជ័យ ចុះត្រួតពិនិត្យជនជាតិនីហ្សេរីយ៉ា លួចស្នាក់នៅ និងធ្វើការខុសច្បាប់ ស្ថិតនៅផ្ទះលេខ២៥BT ផ្លូវលេខ៥៣BT សង្កាត់បឹងទំពុន១ ខណ្ឌមានជ័យ។
ជនជាតិនីហ្សេរីយ៉ា ដែលឃាត់ខ្លួនសរុបចំនួន០៣នាក់ប្រុស៖ ១- LDGWU ភេទប្រុស អាយុ៣១ឆ្នាំ ជនជាតិនីហ្សេរីយ៉ា ២- ILUEMENANWA ភេទប្រុស អាយុ៣៦ឆ្នាំ ជនជាតិនីហ្សេរីយ៉ា ៣- UGBATA CHINEZIE COLLING ភេទប្រុស អាយុ២៩ឆ្នាំ ជនជាតិនីហ្សេរីយ៉ា
បន្ទាប់មកកម្លាំងការិយាល័យបានធ្វើការសាកសួរ ឃើញថាជនទាំងនេះគ្មានលិខិតឆ្លងដែន និងគ្មានមុខរបរពិតប្រាកដ។ សំណើរសុំគោលការណ៍ បញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់។
