Tuesday, September 11, 2018

អគ្គិភ័យ ឆេះក្លិបកម្សាន្ត 2ND យ៉ាងសន្ធោសន្ធៅ ទាំងព្រលឹមអុល នៅខណ្ឌដូនពេញ

អាម៉ាប៉ាប៉ាញ៉ូស

ភ្នំពេញៈ ភ្នាក់ងារអង្គភាពសារព័ត៌មាន Cam Post រាយការណ៍ពីកន្លែងកើតហេតុឲ្យដឹងថា រហូតមកទល់នឹងម៉ោង៧៖១១នាទីព្រឹកនេះ អំណាចអគ្គិភ័យកំពុងឆាបឆេះយ៉ាងសន្ធោសន្ធៅ នៅចំណុចក្លិបកម្សាន្ត 2ND ទើបបើកថ្មី នៅតាមបណ្ដោយផ្លូវលេខ៥១ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

បើតាមសេចក្ដីរាយការណ៍បឋម គ្រោះអគ្គិភ័យនេះ បានចាប់ផ្ដើមឆាបឆេះចេញពីខាងក្នុងក្លិបតែម្ដង ដែលកើតឡើងតាំងពីវេលាម៉ោងប្រមាណ៦៖៣០នាទីព្រឹក ថ្ងៃទី១១ ខែកញ្ញា ឆ្នាំ២០១៨ ដោយអគ្គិភ័យបង្កជាភ្លើងផ្សែងហុយចេញពីខាងក្នុងក្លិប ចេញមកខាងក្រៅហោះឡើងលើយ៉ាងខ្មួលខ្មាញ់។

សមត្ថកិច្ចនៅមិនទាន់អាចបញ្ជាក់ពីគ្រោះអគ្គិភ័យនេះឡើយ ហើយអាជ្ញាធរពាក់ព័ន្ធ ព្រមទាំងកម្លាំងសមត្ថកិច្ចជំនាញ និងរថយន្តពន្លត់អគ្គិភ័យ កំពុងអន្តរាគមន៍នៅកន្លែងកើតហេតុ ដើម្បីបាញ់ពន្លត់ភ្លើង និងទប់ស្កាត់មិនឲ្យឆេះរាលដាលទៅអគារនៅជុំវិញក្លិបនេះផងដែរ។

@Amapapa.News

Feature Ads