Thursday, September 20, 2018

បង្ក្រាបហាងម៉ាស្សា បង្កប់សេវាផ្លូវភេទ នៅខណ្ឌសែនសុខ ឃាត់ខ្លួនមនុស្ស៧នាក់

អាម៉ាប៉ាប៉ាញ៉ូស

ភ្នំពេញៈ កម្លាំងសមត្ថកិច្ច​នាយក​ដ្ឋាន​ប្រឆាំង​ការ​ជួញ​ដូរ​មនុស្ស​ និង​ការពារ​អនីតិជន​ បាន​ចុះបង្ក្រាបហាង​ម៉ាស្សា​កោស​ជប់ធ្វើសរសៃ ​មាន​លួចលាត់បង្កប់​សេវា​ផ្លូវ​ភេទ​​មួយ​កន្លែង ​ឃាត់ខ្លួន​មនុស្សចំនួន៧​ និង​វត្ថុ​តាង​មួយ​ចំនួន​ កាលពីវេលា​ម៉ោង​១០៖​២០​នាទី​យប់​ ថ្ងៃ​ទី​១៩​ខែកញ្ញា​ ឆ្នាំ​២០១៨​ នៅត្រង់ចំណុច​ផ្ទះ​លេខ​៣៦០EoE​ តាមបណ្ដោយ​ផ្លូវ​២០១១​ ភូមិ​ដីថ្មី​ សង្កាត់​គោក​ឃ្លាង​ ខណ្ឌសែនសុខ រាជធានីភ្នំពេញ​។

ប្រតិបត្តិការណ៍​ចុះ​បង្ក្រាប​ហាងម៉ាស្សា​កោស​ជប់​មាន​លួចលាក់​បង្កប់​សេវា​ផ្លូវ​ភេទ​ខាងលើនោះ​ គឺ​ដោយ​មាន​ការ​ដឹក​នាំ​ផ្ទាល់ពីលោក​ឧត្ដមសេនីយ៍​ទោ​ សំបូរ​ មាណ្ណារិទ្ធ​ អនុប្រធាន​នាយកដ្ឋាន​ ​លោក​ឧត្ដមសេនីយ៍​ទោ​ ឯម​ សុជឿន​ អនុប្រធាន​នាយកដ្ឋាន​ និង​លោក​ កុល​ បុន​ ព្រះរាជ​អាជ្ញា​រង ​នៃ​អយ្យការ​អម​សាលា​ដំបូង​រាជធានី​ភ្នំពេញ​ បានដឹក​នាំ​កម្លាំង​ចុះបង្ក្រាប ​និងឆែកឆេរ​ទីតាំង​លួច​លាក់​បង្កប់​សេវាកម្ម​ផ្លូវ​ភេទ​ខាងលើ​។

ជាលទ្ធផល​បាន​ធ្វើ​ការ​ឃាត់​ខ្លួន​មនុស្ស​ចំនួន​៧នាក់​ ក្នុង​នោះ​ធ្វើ​ការ​ឃាត់​ខ្លួន​ប្តី​ប្រពន្ធ​មួយ​គូ​ដែល​ជាថៅ​កែ​ហាងម៉ាស្សា​ខាងលើ​ ដែលបុរសជាប្តីមានឈ្មោះ​ ម៉ុន​ ចំរើន​ អាយុ​៤១ឆ្នាំ​ ស្នាក់នៅ​កន្លែង​កើតហេតុ​។ ចំណែកឯ​ប្រពន្ធ​ឈ្នោះ​ ហ៊ុ​ ស្រីអន​ អាយុ​២១ឆ្នាំ​ ស្នាក់នៅ​ជាមួយ​គ្នា​ និង​នារី​ម៉ាស្សា​ចំនួន៥នាក់ទៀត​ ជាជនរងគ្រោះ​ រួមទាំងដកហូត​បានវត្ថុតាងរួមមាន​ ឧបករណ៍​ប្រើប្រាស់​គ្រឿង​ញៀន​ចំនួន​៤​ ស្រោមប្រើប្រាស់ហើយ ​និងមិនទាន់ប្រើមួយចំនួន​ និងសម្ភារៈមួយចំនួនទៀត។

ចប្ចុប្បន្ន ​ថៅកែ​ទាំង២​នាក់ប្តីប្រពន្ធ និងជនរងគ្រោះទាំង៥នាក់ រួមទាំងវត្ថុតាង ត្រូវបានកម្លាំងសមត្ថកិច្ចនាំខ្លួនយកទៅសាកសួរនៅឯ​នាយកដ្ឋាន​ប្រឆាំង​ការ​ជួញ​ដូរ​មនុស្ស​ និង​ការពារ​អនីតិជន​ ដើម្បី​រង់ចាំ​ធ្វើ​ការ​ចាត់​ការ​ទៅ​តាម​នីតិវិធី​ច្បាប់​៕

@Amapapa.News

Feature Ads