Saturday, September 15, 2018

សង្ស័យតៃកុងងងឹតមុខ រថយន្តរេចង្កូតទៅបុកបង្គោលភ្លើងក្រឡាប់ផ្ងារជើង

អាម៉ាប៉ាប៉ាញ៉ូស

ភ្នំពេញៈ រថយន្ត RA4 មួយគ្រឿងក្រឡាប់ផ្ងារជើងឡើងលើទាំង៤ នៅកណ្តាលផ្លូវ សង្ស័យអ្នកបើកមិនស្រួលខ្លួន(ងងឹតមុខ) បណ្ដាលឲ្យអ្នកបើកបររងរបួសស្រាល កាលពីវេលាម៉ោង១១៖៣០នាទីព្រឹក ថ្ងៃទី១៥ ខែកញ្ញា ឆ្នាំ២០១៨ តាមបណ្តោយផ្លូវភ្នំពេញហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា អ្នកបើកបរមិនស្គាល់ឈ្មោះទេ គ្រាន់តែដឹងថា ភេទប្រុស អាយុជាង៦០ឆ្នាំ បើកបររថយន្តមួយគ្រឿង ម៉ាកRA4 ពណ៌ទឹកមាស ពាក់ស្លាកលេខ ភ្នំពេញ 2T-3543។

អ្នកឃើញហេតុការណ៍ផ្ទាល់ បានឲ្យដឹងថា មុនពេលកើតហេតុ គេឃើញរថយន្តមួយគ្រឿង ម៉ាក RA4 បើកបរក្នុងទិសដៅពីត្បូងទៅជើង លុះមកដល់ចំណុចកើតហេតុ ស្រាប់តែរថយន្តបានរេចង្កូតទៅបុកនៅបង្គោលភ្លើង ហើយក៏ក្រឡាប់ផ្ងារជើងតែម្តង ប៉ុន្តែសំណាងល្អអ្នកបើកបររងរបួសស្រាល ចំណែករថយន្តខូខាតយ៉ាងដំណំ។

ប្រភពពីលោកអ៊ុំម្នាក់ ដែលសុំមិនបញ្ចេញឈ្មោះ មានអាយុជាង៦០ឆ្នាំ ដែលជាអ្នកបើកបរបានឲ្យដឹងថា រូបគាត់បានបើករថយន្តមកពីផ្សារអូឡាំពិច មកពីទិញថ្នាំលេប ព្រោះគាត់មិនស្រួលខ្លួន លុះមកដល់ចំណុចកើតហេតុ ស្រាប់តែគាត់ងងឹតមុខធ្វើឲ្យរថយន្តគាត់ទៅបុកនិងបង្គោលភ្លើងក្រឡាប់តែម្តង។

ក្រោយកើតហេតុក៏មាននគរបាលចរាចរណ៍ខណ្ឌសែនសុខ ចុះមកដល់កន្លែងកើតហេតុ ហើយដោយសារតែរថយន្តខាងលើបុកនិងបង្គោលភ្លើងរដ្ឋ ទើបទាក់ទងទៅការិយាល័យនគរបាលចរាចរណ៍រាជធានីភ្នំពេញ ចុះវាស់វែងនិងស្ទួចរថយន្តបង្កខាងលើ ទៅរក្សារទុកនៅការិយាល័យនគរបាលជើងគោក រាជធានីភ្នំពេញ រងចាំដោះស្រាយនៅពេលក្រោយ៕

@Amapapa.News

Feature Ads