ភ្នំពេញៈ មានករណីគ្រោះថ្នាក់ចរាចរណ៍មួយ បានកើតឡើងរវាងរថយន្តស្ទូច ស្លាកលេខ ភ្នំពេញ 3C-4590 បុកម៉ូតូ Zoomer-X ស្លាកលេខ ភ្នំពេញ 1GB-1597 បណ្តាលឲ្យបុរសម្នាក់រងរបួសធ្ងន់ តែត្រូវបានស្លាប់ពេលបញ្ជូនទៅដល់មន្ទីរពេទ្យ ។
ហេតុការណ៍កើតឡើងនៅវេលាម៉ោង៧និង១០នាទីយប់ ថ្ងៃទី១៨ ខែកញ្ញា ឆ្នាំ២០១៨ នៅតាមបណ្តោយផ្លូវ២១៧ សង្កាត់ស្ទឹងមានជ័យ២ ខណ្ឌមានជ័យ ។
សពជនរងគ្រោះខាងលើ នៅមិនទាន់ស្គាល់អត្តសញ្ញាណនៅឡើយទេ ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ និងនាំយករថយន្តនិងម៉ូតូមករក្សាទុកនៅអធិការដ្ឋានខណ្ឌមានជ័យ រង់ចាំការដោះស្រាយគ្នាពេលក្រោយបន្តទៀត៕
