Tuesday, September 25, 2018

លោកប្រធានមន្ទីរកសិកម្មខេត្តព្រៃវែង រងការចោទប្រកាន់ថាដកអនុប្រធានមន្ទីរចេញ ហើយដាក់បក្សពួកខ្លួន

រិទ្ធី

លោកស្រី យឹម អ៊ុត​ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានចោទប្រកាន់លោក ​អ៊ុក​ សំណាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង ឃុបឃិតសមគំនិតគ្នាបក្សពួក​លួចធ្វើរបាយការណ៍បំផ្លើសការពិត បង្ខូចកិត្តិយសលោកស្រី ហើយស្នើឱ្យក្រសួងកសិកម្ម ដកតំណែងលោកស្រី។

តាមរយៈហ្វេសប៊ុក លោកស្រី យឹម អ៊ុត បានសរសេរកាលពីថ្ងៃទី២២ ខែកញ្ញា ឆ្នាំ២០១៨ ថា៖ នាងខ្ញុំ​ឈ្មោះ​ យឹម អ៊ុត​ អនុប្រធានមន្ទីរកសិកម្មខេត្តព្រៃវែង សូមគោរពសំណូមពរដល់សម្តេច ឯកឧត្តម​ លោក​ លោកជំទាវ​ លោក​ លោកស្រីដែលជាថ្នាក់ដឹកនាំគ្រប់លំដាប់ថ្នាក់​ មេត្តាជួយដោះស្រាយរកយុត្តិធម៌ឲ្យនាងខ្ញុំជាជនរងគ្រោះផង​។

លោកស្រី យឹម អ៊ុត បានចោទថា៖ ​ លោក​អ៊ុក​ សំណាង​ ប្រធានមន្ទីរកសិកម្មខេត្តព្រៃវែងឃុបឃិតសមគំនិតបក្សពួក​លួច ធ្វើរបាយការណ៍បំផ្លើសការពិត បង្ខូចកិត្តិយសនាងខ្ញុំមិនដឹងខ្លួនខុសអី ឲ្យក្រសួងកសិកម្ម ដកនាងខ្ញុំ ចេញមានភាពមិនប្រក្រតី ធ្វើជាអ្នកគ្រប់គ្រងគេយកច្បាប់ទ្រាប់អង្គុយមិនខ្ចីមើល អនុវត្តតាម ការណែនាំរបស់រាជរដ្ឋាភិបាលធ្វើស្រេចតែនឹងចិត្តខ្លួនឯង​ ហើយធ្វើសំណើតែងតាំងតួនាទីនេះឲ្យបក្សពួកខ្លួនចូលដោយគ្មានជំនាញកសិកម្មបន្តិចនិងមានថានន្តរស័ក្កិមលេខាធិការដ្ឋបាលថ្នាក់លេខ 8​ គឺ​លោកស្រី​ ប៊ន​ វុទ្ឋា ​ដោយធ្វើឡើងក្នុងអំឡុងពេលដកនាងខ្ញុំបាន២៤ថ្ងៃប៉ុណ្ណោះ​។

លោកស្រី បានអះអាងថា៖ លោកស្រីកំពុងព្យាយាមសុំអន្តរាគមន៍ឲ្យថ្នាក់ដឹកនាំ​ជួយ​ គឹឯកឧត្តម អភិបាលខេត្ត​ ឯកឧត្តមរដ្ឋ មន្ត្រី ក្រសួងកសិកម្ម តែមន្ត្រីអ្នកមុខអ្នកការទាំងពីរកន្លែងនៅទីនោះមិនឲ្យនាងខ្ញុំ​ជួប​ នាងខ្ញុំក៍សម្រេចចិត្តធ្វើសំណើទៅសុំអន្តរាគមន៍សម្តេចអគ្គមហាសេនាបតីតេជោ ហ៊ុន​ សែន នាយករដ្ឋមន្ត្រីនៃព្រះរាជាណាចក្រកម្ពុជា ខុទ្ទកាល័យបានចេញដិកាឲ្យក្រសួងកសិកម្មដោះស្រាយ និង​ ក្រសួងមុខងារសាធារណ:​ ចេញលិខិតឲ្យក្រសួងកសិកម្​គួ​រអនុវត្តតាមច្បាប់សហលក្ខន្តិក:មន្ត្រីរាជការស៊ីវិល នៃព្រះរាជាណាច្ករកម្ពុជាតែក្រសួងមិនបានជួយដោះស្រាយឲ្យនាងខ្ញុំទេ ដល់នាងខ្ញុំទៅសុំជួបឯកឧត្តមរដ្ឋមន្ត្រីក្រសួងកសិកម្ម ផ្ទាល់​ មន្ត្រីអ្នកមុខអ្នកការនៅទីនោះឆ្លើយដូចមុនដដែល

តាំងពីថ្ងៃទី១៩ ខែធ្នូ ឆ្នាំ២០១៧ រហូតដល់បច្ចុប្បន្ន ហើយដល់បច្ចុប្បន្ន​នេះទៀតសោត លោ​ក​ អ៊ុក​ សំណាង​ ប្រធានមន្ទីរកសិកម្ម​ ខេត្តព្រៃវែងបានរៀបចំពិធីប្រកាសបក្សពួកខ្លួននៅថ្ងៃ ២១ ខែកញ្ញា ឆ្នាំ២០១៨ ធ្វើឡើងដោយខ្លួនឯងទៀត តើធ្វើនេះត្រឹមត្រូវ តាមច្បាប់សហលក្ខន្តិក:មន្ត្រីរាជការស៊ីវិលក្នុងកាតែងតាំងតួនាទី នឹង​ឋាន្តរស័ក្តមន្ត្រីរាជការដែរ ឫ​ ទេ​?

អតីតអនុប្រធានមន្ទីរកសិកម្មខេត្តព្រៃវែងរូបនេះ ស្រែកថា អយុត្តិធម៌ ចំពោះរូបនាងខ្ញុំខិតខំតស៊ូរៀនសូត្រដល់ថ្នាក់គ្រប់គ្រងរដ្ឋបាលជំនាញផ្នែកកសិកម្ម មកបម្រើការងារបានរយ:ពេល​30ឆ្នាំ ហើយពុំដែលទទួលការស្តីបន្ទោសពីថ្នាក់ដឹកជាតិ ក្រោមជាតិម្តងណាសោះឡើយនោះ​ (សូម ឯកឧត្តម​ លោក​ជំទាវ​ ​លោកលោកស្រីដែលបានឃើញហើយ សុំជួយស៊ែបន្តឲ្យសម្តេចបានដឹងនឹងជួយរកយុត្តិធម៏ឲ្យនាងខ្ញុំផង)​ សូមអរគុណ។​

@Amapapa.News

Feature Ads