ភ្នំពេញៈ រថយន្តហ៊ីយិនដាយ (ប្រភេទរថយន្តស្ទូច) មួយគ្រឿង បើកបរលឿនខ្វះការប្រុងប្រយ័ត្ន ជ្រុលទៅបុករះរ៉ឺម៉ក់ម៉ូតូ និងម៉ូតូ២គ្រឿង ផ្ទប់ចូលផ្ទះលក់សម្ភារៈផ្ទះបាយទំនើបទាន់សម័យ បណ្តាលឲ្យរងការខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង២៖៥នាទីរសៀសថ្ងៃទី២៤ ខែតុលា ឆ្នាំ២០១៨ ស្ថិតនៅតាមបណ្តាយវេងស្រេង ក្នុភូមិឫស្សី ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
សមត្ថកិច្ចបានប្រាប់ឲ្យដឹងថា មុនពេលកើតហេតុ គេឃើញមានរថយន្តមួយគ្រឿង ម៉ាកហ៊ីយិនដាយ ពណ៌ស ពាក់ស្លាក់លេខភ្នំពេញ ៣B-៤២០៨ ធ្វើដំណើរពីលិចទៅកើត ដោយរថយន្តបើកបរក្នុងល្បឿនលឿនជាន់ហ្រ្វាំងមិនស៊ី ក៏ជ្រុលទៅបុករ៉ឺម៉ក់កង់៣ ហើយនឹងម៉ូតូ២គ្រឿង មួយគ្រឿងម៉ាក PCX ស្លាកលេខភ្នំពេញ1GT-3933 និងមួយគ្រឿងទៀតម៉ូតូ Scoopy ស្លាកលេខភ្នំពេញ1CX-6127 ផ្ទប់នឹងទ្វារផ្ទះលក់សម្ភារៈផ្ទះបាយទំនើមទាន់សម័យ បណ្តាលឲ្យរងការខូចខាតម៉ូតូ និងសម្ភារៈមួយចំនួនធំ តែសំណាងបង្កគ្រោះថ្នាក់ដល់អាយុជីវិតមនុស្សណាម្នាក់ឡើយ។
ក្រោយកើតហេតុសមត្ថកិច្ចមូលដ្ឋានបានចុះមកសម្រួលចរាចរ និងបានទាន់ទងទៅសមត្ថកិច្ចជំនាញក្រុង មកធ្វើការវាស់វែងយករថយន្ត និងម៉ូតូទៅរក្សាទុកនៅស្នងការដ្ឋាននគរបាលក្រុងដើម្បីរង់ចំាភាគីរថយន្តចូលខ្លួនមកដោះស្រាយតាមផ្លួវច្បាប់៕