Thursday, October 18, 2018

រយៈពេល៥​ឆ្នាំ ក្រសួងមហាផ្ទៃ​ ធ្វើ​ជំរឿនជនអន្ដោប្រវេសន៍ ជាង១៧ម៉ឺននាក់ រកឃើញអ្នកកាន់ឯកសារមិនប្រក្រតី ជាង៧ម៉ឺននាក់

អាម៉ាប៉ាប៉ាញ៉ូស

ភ្នំពេញៈ ក្នុង​រយៈពេល៥ឆ្នាំ ក្រសួងមហាផ្ទៃ បានធ្វើ​ជំរឿនជនអន្ដោប្រវេសន៍ បានចំនួន៤៦.៧៧៦គ្រួសារ​ មនុស្សមានចំនួន១៧៦.៨១២នាក់ (ស្រី៧៩.៧២៨) ក្នុងនោះ​ មានជនបរទេសអន្ដោប្រវេសន៍កាន់កាប់ប្រើប្រាស់ឯកសារមិនប្រក្រតី ចំនួន២០.២១៨គ្រួសារ​ មានមនុស្សចំនួន៧៣.៣៩៧នាក់​ (ស្រី៣៥.៨៨៨នាក់) មាន៥សញ្ជាតិ​ ដែលកំពុងដំណើរការដកហូតតាម​អនុក្រឹត្យរបស់រដ្ឋាភិបាល។

យោងតាម​របាយការណ៍​សង្ខេប ស្ដីពីសមិទ្ធផលសំខាន់មួយចំនួនៗ របស់ក្រសួងមហាផ្ទៃរយៈពេល៥ឆ្នាំ ​បានបញ្ជាក់ថា​ រយៈពេល៥ឆ្នាំ​ សមត្ថកិច្ច​អនុវត្តនីតីវិធីឃាត់ខ្លួននិងបណ្ដាញជនបរទេស ដែលរស់នៅកម្ពុជាខុសច្បាប់​ ស្ដីពី​ អន្ដោប្រវេសន៍ ចំនួន១៣.៧០១នាក់​ មាន៨៥​សញ្ជាតិ។

របាយការណ៍​បន្ដថា​ ក្រសួងមហាផ្ទៃ​ បានសហការជាមួយ​ក្រសួងការងារ​ និងបណ្ដុះបណ្ដាល​វិជ្ជាជីវៈ​ បានចុះធ្វើអធិការកិច្ចពលករបរទេស នៅតាមរោងចក្រ​ សហគ្រាស​ គ្រឹះស្ថាន​នានា​ តាមបណ្ដា​ខេត្ដ-ក្រុង​ សំដៅពិនិត្យភាពស្របច្បាប់របស់ពលករ ហើយជាលទ្ធផលបានរកឃើញពលករបរទេស ប្រកបមុខរបរខុសច្បាប់ ចំនួន៧.៣៤២នាក់​ បានធ្វើការផាកពិន័យ​ គិតជាប្រាក់ស្មើរនឹង​ ៣.៦៤០.៩០០.០០០រៀល៕

@Amapapa.News

Feature Ads