កោះកុងៈ ភ្លៀងធ្លាក់មួយមេធំ បណ្ដាលឲ្តរន្ទះបាញ់បុរសម្នាក់ ខណៈកំពុងជ្រកក្រោមដើមឈើ១ដើម តែសំណាងមិនបានបាត់បង់ជីវិត គ្រាន់តែរងរបួសធ្ងន់ ។
គ្រោះរន្ទះបាញ់ខាងលើនេះ កាលពីវេលាម៉ោង២៖២០នាទីរសៀលថ្ងៃសុក្រ ២រោច ខែអស្សុជ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី២៦ ខែតុលា ឆ្នាំ២០១៨ នៅចំណុចចំការធំ ស្ថិតក្នុងភូមិឈូក ឃុំជីខលើ ស្រុកស្រែអំបិល ខេត្តកោះកុង។
ជនរងគ្រោះឈ្មោះ ឌុល លី ភេទប្រុស អាយុ៥៧ឆ្នាំ មុខរបរ កសិករមានទីលំនៅភូមិឈូក ឃុំជីខលើ ខណៈដែលមេឃកំពុងភ្លៀងខ្លាំង គាត់បានទៅជ្រកក្រោមដើមចំបក់១ដើម ហើយក៏ត្រូវបានរន្ទៈបាញ់ បណ្ដាលឲ្យរងរបួសធ្ងន់។
ក្រោយកើតហេតុ ត្រូវបានកម្លាំងនគរបាលប៉ុស្តិ៍ជីខលើ និងក្រុមគ្រួសារជួយសង្គ្រោះ ដោយដឹកបញ្ជូនទៅមន្ទីរពេទ្យបង្អែក ស្រុកស្រែអំបិល៕