Tuesday, October 30, 2018

វីវរហើយ! បង្ហោះ​សារតាម​ហ្វេសប៊ុកដង្ហោយរកយុត្តិធម៌ ​សាលាឧទ្ធរណ៍ ព្រមានចាត់វិធានការណ៍តាម​​ផ្លូវច្បាប់

អាម៉ាប៉ាប៉ាញ៉ូស

ភ្នំពេញៈ អ្នកនាំពាក្យសាលាឧទ្ធរណ៍ កាពីថៃទី២៩ តុលា ឆ្នាំ២០១៨ បានចេញសារព្រមានចាត់វិធានការណ៍តាមផ្លូវច្បាប់ លើម្ចាស់អាខោនហ្វេសបុកចំនួន២ ដែលបង្ហោះសារវាយប្រហាចៅក្រមសាលាឧទ្ធរណ៍ ភ្ជាប់ជាមួយរូបភាពទណ្ឌិត និងសកម្មភាពផ្សេងៗនៅក្នុ​ងរឿងក្ដីឃាតកម្មមួយនៅខេត្តកំពត ដែលចៅក្រមសាលាឧទ្ធរណ៍ បានសម្រេចដោះលែង កាលពីពេលថ្មីៗនេះ។

គ្រួសារ​ជនរងគ្រោះ​ បាន​​ចោទប្រកាន់​ លោក ​ប៉ុល​ សំអឿន​ និង​ ក្រុម​ប្រឹក្សា​ជំនុំជម្រះ​សាលាឧទ្ធរណ៍​ថា​ បាន​ដោះលែង​ជនជាប់ចោទ​ ករណី​អំពើ​ឃាតកម្ម​។

គណនី​ហ្វេសប៊ុក​ឈ្មោះ​ Bong Veth សរសេរ​ថា​ "នេះជារូបចៅក្រម ប៉ុល សំអឿន ដែលហ៊ាន​ដោះលែង​អ្នកទោសឃាតកម្មទាំងមុខស្រស់មិនខ្លាចញញើតនឹងច្បាប់ទាំងខ្លួនជាអ្នកកាន់ច្បាប់ ដោយសារទទួលលុយសំណូកពីក្រុមឃាតកមិនគិតដល់ហានិភ័យរបស់សាក្សី និងជនរងគ្រោះ"

គណនី​ហ្វេសប៊ុក​ដដែល​ បន្ត​ថា​ "អាស្រ័យដូចបានជម្រាប​ខាងលើនេះ​ គ្រួសារ​ខ្ញុំជាជនរងគ្រោះសុំឱ្យក្រសួង​ពាក់ព័ន្ធ​និងក្រសួងប្រឆាំងអំពើពុករលួយមេត្តាចុះ​អង្កេត​"

ដោយឡែក​គណនី​ហ្វេសប៊ុក​មួយ​ទៀត​ឈ្មោះ​ Moly Van សរសេរ​ថា "យុត្ដិធម៌នៅឯណា លោកចៅក្រម ប៉ុល សំអឿន បានចេញសាក្រមលើកលែងទោសឃាតក ដែល​សម្លាប់​មនុស្ស ឱ្យ​រួចពី​ទោស ! តើនេះជាច្បាប់ស្រុកខ្មែរមែនទេ ប្រសិនបើរឿងបែបនេះកើតលើបងប្អូនទាំងអស់គ្នាមានអារម្មណ៍បែបណា សូមជួយរកយុត្ថិធម៌ផងឱ្យគ្រួសារខ្ញុំផង"

ពាក់ព័ន្ធ​ករណី​នេះ​ អ្នក​នាំពាក្យ​សាលាឧទ្ធរណ៍ ​និង​មហា​អយ្យការ​អម​សាលាឧទ្ធរណ៍​ នៅ​ថ្ងៃទី​២៩​ ខែ​តុលា​ ឆ្នាំ​២០១៨​ បាន​ចេញ​សេចក្ដី​ប្រកាស​ព័ត៌មាន​មួយ​បង្ហាញលទ្ធផលស៊ើបអង្កេតលំអិត​អំពី​ករណី​នេះ​ ។

សាលាឧទ្ធរណ៍ ក៏បានស្នើ​សុំ​ឱ្យ​ម្ចាស់​គណនី​ហ្វេសប៊ុក​ទាំង​២​ គឺ​ Moly van​ និង​ ឈ្មោះ​ Bong Veth និង​ អ្នក​ចែកចាយ​បន្ត​ បញ្ឈប់​ការ​បង្ហោះ​សារ​មិន​ត្រឹមត្រូវ​ចាប់​ពី​ពេល​នេះ​តទៅ​ បើលោក​ លោក​ស្រី​ មិន​បញ្ឈប់​តាម​ការ​ជូន​ដំណឹង​នេះទេ​ សាលាឧទ្ធរណ៍​នឹង​ចាត់​វិធានការ​តាម​ផ្លូវ​ច្បាប់​ ។

តាមសចក្ដីប្រកាសរបស់សាលាឧទ្ធរណ៍ បានបញ្ជាក់ថា កាលពីថ្ងៃទី២០ ខែ៩ ឆ្នាំ២០១៨ ក្រុមប្រឹក្សាជំនុំជម្រះ​សាលាឧទ្ធរណ៍បានប្រកាសសាលដីកាសម្រេចតម្កល់ទុកសាលក្រមសាលាដំបូងខេត្តកំពតទុកជាបានការដដែល លើកលែងតែឈ្មោះ ទៀង ញ៉េន ឈ្មោះ គង់ ភិរុណរ័ត្ន ឈ្មោះ កឹង យ៉ាត ដែលក្រុមប្រឹក្សាយល់ថា ជនជាប់ចោទនេះ មានភស្តុតាងថ្មី ដែលបញ្ជាក់ថា មានជនល្មើសផ្សេងជាអ្នកប្រព្រឹត្តបទល្មើស ត្រូវសម្រេចអោយរួចផុតពីបទចោទ និងដោះលែងអោយមានសេរីភាពវិញ។ ចំណែក​ជនជាប់ចោទឈ្មោះ ចាន់ រ័ត្ន ត្រូវរក្សាផ្ដន្ទាទោសនិងសំណង៣០លានរៀលដដែល។ ចំពោះជនសង្ស័យឈ្មោះ ម៉ៅ គឹមអេង និងឈ្មោះ លឹម  ភី ដោយសារតែមិនទាន់បានចោទប្រកាន់នៅឡើយ សាលាឧទ្ធរណ៍សម្រេចបង្វិលសំណុំរឿងអោយទៅសាលាដំបូងខេត្តកំពតចាត់ការបន្តតាមច្បាប់៕

@Amapapa.News

Feature Ads