ក្រោយកើតហេតុ សមត្ថកិច្ចមូលដ្ឋាននិងជំនាញបានចុះមកដល់កន្លែងកើត ដោយឲ្យភាគីទាំងសងខាងសម្របសម្រួលគ្នាមួយជំហានសិន ទើបភាគីទាំងសងខាងភាគីព្រមចរចាគ្នា ដោយមិនមានខាងណា សងខាងណាទេ គឺយល់ព្រមយករថយន្តទៅជួលជុលរៀងៗខ្លួន៕
ភ្នំពេញៈ បុរសម្នាក់ រួមដំណើរនិងបុរស៣នាក់ទៀត បើករថយន្ត TACOMA របស់កងរាជអាវុធហត្ថលើផ្ទៃប្រទេស ខណៈកំពុងបត់ឆ្វេងចូលក្នុងបន្ទាយ ត្រូវនារីស្រស់ស្អាតម្នាក់ បើករថយន្ត NISSAN ទៅបុកពេញទំហឹង បណ្តាលឲ្យរងការខូចខាតយ៉ាងដំណំទាំងសងខាង កាលពីវេលាម៉ោង៧៖៤០នាទីយប់ ថ្ងៃពុធ ទី១៧ ខែតុលា ឆ្នាំ២០១៨ នៅត្រង់ចំណុចមុខបន្ទាយកងរាជអាវុធហត្ថលើផ្ទៃប្រទេស តាមបណ្តោយផ្លូវ២៨៩ ក្នុងសង្កាតមបឹងកក់១ ខណ្ឌទួលគោក។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុ គេឃើញបុរសម្នាក់ រួមដំណើរនិងបុរស៣នាក់ទៀត បើករថយន្ត TACOMA មួយគ្រឿង ពណ៌ស ពាក់ស្លាកលេខ ភ្នំពេញ 2AP-2630 មានបិតឡូហ្គោល (អ-ហ) របស់កងរាជអាវុធហត្ថលើផ្ទៃប្រទេស ធ្វើដំណើរក្នុងទិសដៅពីត្បូងទៅជើង លុះមកដល់ចំណុចកើតហេតុ បានស៊ីញូបត់ឆ្វេងដៃដើម្បីចូលទៅក្នុងបន្ទាយ ខណៈនោះក៏មានរថយន្តមួយគ្រឿង ម៉ាក NISSAN-KICKS ពណ៌ខ្មៅ ពាក់ស្លាកលេខ ភ្នំពេញ 2BB-2272 បើកបរដោយនារីស្រស់ស្អាតម្នាក់ បញ្ច្រាសទិសដៅគ្នាពីជើងទៅត្បូង បានបុកចញ្ឆិតពីមុខផ្នែកខាងឆ្វេង បណ្តាលឲ្យរថយន្តទាំងពីរគ្រឿង រងការខូចខាតផ្នែកខាងឆ្វេងយ៉ាងដំណំដូចគ្នា តែមិនបណ្ដាលឲ្យមានមនុស្សរបួសនោះទេ។
ក្រោយកើតហេតុ សមត្ថកិច្ចមូលដ្ឋាននិងជំនាញបានចុះមកដល់កន្លែងកើត ដោយឲ្យភាគីទាំងសងខាងសម្របសម្រួលគ្នាមួយជំហានសិន ទើបភាគីទាំងសងខាងភាគីព្រមចរចាគ្នា ដោយមិនមានខាងណា សងខាងណាទេ គឺយល់ព្រមយករថយន្តទៅជួលជុលរៀងៗខ្លួន៕
