ភ្នំពេញៈ ថ្នាក់ដឹកនាំរាជរដ្ឋាភិបាល, ក្រសួងមហាផ្ទៃ, អគ្គស្នងការនគរបាលជាតិ, និងស្នងការនគរបាលរាជធានីភ្នំពេញ ដែលបានជ្រើសរើស លោកវរសេនីយ៍ឯកហួរ ម៉េងវ៉ាង ជាអធិការនគរបាលខណ្ឌសែនសុខ គឺពិតជាមិនខុសនោះឡើយ ក៏ព្រោះតែលោកអធិការរូបនេះ បានខិតខំបម្រើប្រជាពលរដ្ឋ នៅក្នុងមូលដ្ឋាន ទាំងបញ្ហាសន្តិសុខសណ្ដាប់ធ្នាប់ និងការបម្រើសេវាសាធារណៈនានា និងជំនាញបង្ក្រាបបទល្មើសដ៏សកម្មផងដែរ។
សូមបញ្ជាក់ថា លោកវរសេនីយ៍ឯក ហួរ ម៉េងវ៉ាង ត្រូវបានប្រកាសតែងតាំង ជាអធិការនគរបាលខណ្ឌសែនសុខ កាលពីថ្ងៃទី៧ ខែធ្នូ ឆ្នាំ២០១៧ ជំនួសលោក ម៉ក់ ហុង ដែលត្រូវផ្ទេរភារកិច្ចជានាយការិយាល័យនគរបាលទេសចរណ៍។ កាលពីមុនលោកវរសេនីយ៍ឯក ហួរ ម៉េងវ៉ាង ជាអធិការរងខណ្ឌមានជ័យ ទទួលបន្ទុកព្រហ្មទណ្ឌ ដ៏ជំនាញ ព្រោះបទល្មើសគ្រឿងញៀន និងបទល្មើសព្រហ្មទណ្ឌជាច្រើន និងទីតាំងល្បែងស៊ីសងជាច្រើនទៀត លោកតែងចុះបង្ក្រាបបាន ដោយមិនខ្លាចប៉ះពាល់ ចាន ឆ្នាំង ឬផលប្រយោជន៍ របស់អស់លោកណានោះទេ អោយតែខុសច្បាប់ គឺលោកបង្ក្រាបឥល្ហែ និយាយរួមគឺសកម្មខាងបង្ក្រាបតែម្ដង ទើបលោកត្រូវបានមហាជនស្គាល់ថាជា "កំពូលអ្នកបង្ក្រាប" រហូតត្រូវបានផ្លាស់ប្ដូតំណែងឡើងជាអធិការខណ្ឌសែនសុខមកទល់សព្វថ្ងៃនេះ។
រយៈពេលជិត១ឆ្នាំមកនេះ លោកវរសេនីយ៍ឯក ហួរ ម៉េងវ៉ាង បានដឹកនាំមន្រ្ដីនគរបាលក្រោមឱវាទ ការពារនូវសន្ដិសុខសណ្ដាប់ធ្នាប់ ជាពិសេសការបម្រើសេវាសាធារណៈនានា ជូនប្រជាពលរដ្ឋជូនប្រជាពលរដ្ឋ ដោយមិនធ្វើឲ្យពួកគាត់ខកបំណងឡើយ។ កាលពីពេលថ្មីៗ នេះលោកអធិការហួរ ម៉េងវ៉ាង បានប្រកាស ថា នគរបាលខណ្ឌសែនសុខ នឹងធ្វើយុទ្ធនាការធ្វើសៀវភៅស្នាក់នៅ ជូនប្រជាពលរដ្ឋក្នុង ខណ្ឌសែនសុខ ដោយមិនយកប្រាក់ឡើយ។
ការប្រកាសនេះ មិនមែនគ្រាន់តែប្រកាសនោះទេ ពោលគឺនគរបាលខណ្ឌសែនសុខ ពិតជាបានធ្វើសៀវភៅស្នាក់នៅជូនប្រជាពលរដ្ឋ រួច បានយកសៀវភៅជូនពួកគាត់ដល់ខ្នងផ្ទះពិតប្រាកដមែន។ ម្យ៉ាងទៀត ទោះបីម្សិលមិញជាថ្ងៃអាទិត្យក៏ដោយ ក៏លោកវរសេនីយ៍ឯកហួរ ម៉េងវ៉ាង មកបំពេញការងារដែរ ដើម្បីបម្រើប្រជាពលរដ្ឋក្នុងមូលដ្ឋានរបស់ខ្លួន នោះគឺការចុះហត្ថលេខាលើសៀវភៅស្នាក់នៅ។
លោកហួរ ម៉េងវ៉ាង បានសរសេរនៅលើហ្វេសប៊ុក ថា”ការងារដើម្បីប្រជាពលរដ្ឋ មិនត្រូវគិតថាថ្ងៃអាទិត្យ ឬថ្ងៃបុណ្យឡើយ សម្រាប់ប្រជា ពលរដ្ឋ ក្នុងសង្កាត់ក្រាំងធ្នង់ សង្កាត់ឃ្មួញ ទឹកថ្លា អូបែកក្អម គោកឃ្លាង ភ្នំពេញថ្មី នឹងបានយកទៅប្រើប្រាស់ហើយ”។
បន្ថែមលើនេះលោកអធិការហួរ ម៉េងវ៉ាង បានថ្លែងប្រាប់ថា ”លោកធ្វើយុទ្ធនាការសៀវភៅស្នាក់នៅ ជូនប្រជាពល រដ្ឋក្នុងខណ្ឌសែនសុខនេះ មិនមែនដើម្បីយកមុខយកមាត់អីនោះទេ គឺដើម្បីបម្រើសេវាសាធារណៈ ជូនប្រជាពលរដ្ឋប៉ុណ្ណោះ។ លោកថា មកដល់ពេលនេះ គឺនគរបាលខណ្ឌសែនសុខ បានធ្វើសៀវភៅស្នាក់នៅជូនប្រជាពលរដ្ឋទាំង៦សង្កាត់ បានប្រមាណជា៩៥ ភាគរយ ហើយ។ ចំណែកលោកសល់ប្រមាណជា៥ភាគទៀត ជាប្រជាពលរដ្ឋដែលរស់នៅក្នុងបុរី ហើយមន្រ្ដីនគរបាលរបស់លោក បាននឹងរហូតត្រូវបានផ្លាស់ប្ដូឡើងជាបន្តបន្ទាប់ហើយ៕