ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យតែងតាំងរដ្ឋលេខាធិការ និងអនុរដ្ឋលេខាធិការនៃក្រសួងឧស្សាហកម្ម និងសិប្បកម្ម ក្នុងនោះ ឯកឧត្តម ចម បូរិទ្ធ កូនឯកឧត្តមទេសរដ្ឋមន្ត្រី ចម ប្រសិទ្ធ ជាអនុរដ្ឋលេខាធិការ។ យោងព្រះរាជក្រឹត្យលេខ នស/រកត/១១១៨/១២១៨។
ព្រះរាជក្រឹត្យតែងតាំងរួមមាន ឯកឧត្តម អ៊ុំ សុថា ជារដ្ឋលេខាធិការ ឯកឧត្តម មាស សុខា ជារដ្ឋលេខាធិការ ឯកឧត្តម ទឹង ស៊ីនី ជារដ្ឋលេខាធិការ ឯកឧត្តម អ៊ុច បូរ៉ា ជារដ្ឋលេខាធិការ ឯកឧត្តម ចាន់ បូរិន្ធ ជាអនុរដ្ឋលេខាធិការ ឯកឧត្តម ចម បូរិទ្ធ ជាអនុរដ្ឋលេខាធិការ ឯកឧត្តម ហេង ណន ជាអនុរដ្ឋលេខាធិការ និងឯកឧត្តម ព្រហ្ម ដូលីន ជាអនុរដ្ឋលេខាធិការ។
