រតនគិរីៈ ក្មេងប្រុសអាយុ៦ឆ្នាំម្នាក់ ត្រូវសរសដួលសង្កត់ បណ្ដាលឲ្យស្លាប់យ៉ាងអាណោចអាធ័ម កាលពីម៉ោង៧៖៣០នាទីយប់ថ្ងៃទី១៣ ខែវិច្ឆិកា ឆ្នាំ២០១៨ ស្ថិតក្នុងភូមិល្អឺនកាំងមិស ឃុំអូរជុំ ស្រុកឃុំអូរជុំ ខេត្តរតនគិរី។
ក្មេងរងគ្រោះឈ្មោះ សុខ នុត អាយុ៦ឆ្នាំ ជនជាតិទំពួន មុនពេលកើតហេតុក្មេងរងគ្រោះ បានទាញខ្សែ ដែលគេចងហាលខោអាវ ទើបបណ្តាលឲ្យដួលសរសសង្កត់លើខ្លួនឯងស្លាប់តែម្តង។
ក្រោយកើតហេតុសមត្ថកិច្ចជំនាញ បានធ្វើកោសលវិច័យ រួចប្រគល់សាកសពឲ្យទៅអាណាព្យាបាល យកទៅធ្វើបុណ្យតាមប្រពៃណី៕
