Loading...

Friday, November 23, 2018

សោកនាដកម្មចំថ្ងៃទី២ នៃពិធីបុណ្យអុំទូក! រថយន្តក្រុង ផ្ដាច់ជីវិតក្មេងស្រី៣នាក់ នៅក្រុងសៀមរាប

អាម៉ាប៉ាប៉ាញ៉ូស

សៀមរាបៈ ពិតជាសោកនាដកម្មមែន ដែលក្មេងស្រី៣នាក់ ត្រូវស្លាប់ភ្លាមៗនៅនឹងកន្លែងកើតហេតុតែម្ដង ព្រោះតែរថយន្តក្រុងមួយគ្រឿង បើកបុកម៉ូតូរបស់ពួកគេ កាលពីវេលាម៉ោង៣៖៤០នាទី រសៀលថ្ងៃទី២២ ខែវិច្ឆិកា ឆ្នាំ២០១៨ ស្ថិតក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប ខេត្តសៀមរាប។

នគរបាលក្រុងសៀមរាប ឲ្យដឹងថា នៅវេលាកើតហេតុខាងលើ មានគ្រោះថ្នាក់ចរាចរណ៍មួយកើតឡើង រវាងរថយន្តក្រុងម៉ាក ហ៊ីយ៉ាន់ដាយ ពណ៌ក្រហមលាយខៀវ ពាក់ស្លាកលេខ​ ភ្នំពេញ 3A-9816 បុកជាមួយម៉ូតូមួយគ្រឿងជិះគ្នា៣នាក់ បណ្ដាលឲ្យក្មេងស្រីទាំង៣ ស្លាប់ភ្លាមៗនៅនឹងកន្លែងកើតហេតុតែម្ដង។

បើតាមសមត្ថកិច្ច ក្មេងស្រីរងគ្រោះ ដែលស្លាប់ទាំង៣ រួមមាន ទី១. ឈ្មោះ ធី សុខឡេង ភេទស្រី អាយុ១២ឆ្នាំ, ទី២. ឈ្មោះ ធី សុខម៉េង ភេទស្រី អាយុ១៤ឆ្នាំ និងទី៣. ឈ្មោះ សន ជីងលី ភេទស្រី អាយុ១ខួប៣ខែ។ ក្មេងទាំង៣ មានទីលំនៅស្នាក់នៅភូមិបុស្សក្រឡាញ់ សង្កាត់ជ្រាវ ក្រុង-ខេត្តសៀមរាប។

ក្រោយពេលកើតហេតុ សពក្មេងស្រីទាំង៣ ត្រូវបានសាច់ញាតិយកទៅធ្វើបុណ្យតាមប្រពៃណី។ ចំណែកវត្ថុតាងទាំង២ ត្រូវបានសមត្ថកិច្ចវាស់វែង និងស្ទួចយកទៅរក្សាទុកនៅអធិការដ្ឋានក្រុង ដើម្បីរង់ចាំដោះស្រាយគ្នាពេលក្រោយ៕

@Amapapa.News

Feature Ads