ឯកឧត្តម ជាម ច័ន្ទសោភ័ណ្ឌ ឋានន្តរស័ក្តិឧត្តមមន្ត្រីថ្នាក់លេខ៤ ដែលជាកូនប្រុសបង្កើតរបស់ឯកឧត្តម ជាម យៀប ត្រូវបានព្រះករុណាព្រះមហាក្សត្រ ត្រាស់បង្គាប់តែងតាំងជាអភិបាលខេត្តត្បូងឃ្មុំ ជំនួសឯកឧត្តម លី ឡេង។ នេះបើតាមព្រះរាជក្រឹត្យលេខនស/រកត/១១១៨/១២៥២ ចុះនៅថ្ងៃទី១៣ ខែវិច្ឆិកា ឆ្នាំ២០១៨។
សូមបញ្ជាក់ថា ឯកឧត្តម ជាម ច័ន្ទសោភ័ណ្ឌ ធ្លាប់កាន់តំណែងជាអភិបាលរងខេត្តបាត់ដំបង មុននឹងផ្លាស់មកកាន់តំណែងជាអភិបាលរងខេត្តត្បូងឃ្មុំ។ ចំណែកឯ ឯកឧត្តម លី ឡេង ត្រូវបានតែងតាំងជានាយកខុទ្ទកាល័យឯកឧ ត្តម ស៊ីម កា អនុប្រធានទីមួយ នៃព្រឹទ្ធសភា។
ក្រសួងមហាផ្ទៃបានប្រាប់ពីពិធីប្រកាសចូលកាន់តំណែងជាផ្លូវការ នឹងប្រព្រឹត្តទៅនៅព្រឹកថ្ងៃទី១៥ ខែវិច្ឆិកា ឆ្នាំ២០១៨ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ។ នេះបើយោងតាមលិខិតជូនដំណឹងរបស់ក្រសួងមហាផ្ទៃ ផ្ញើជូនអភិបាលខេត្តត្បូងឃ្មុំ។
