កំពង់ឆ្នាំងៈ កាប៉ាល់ប្រភេទឈើមួយគ្រឿង ដែលគេឃើញមានដឹកភ្ញៀវទេសចររាល់លើក ត្រូវបានប្រទះឃើញលិចនៅមាត់ច្រាំងទន្លេសាបត្រោយខាងកើត ខេត្តកំពង់ឆ្នាំង មិនដឹងបណ្តាលមកពីមូលហេតុអ្វីនោះឡើយ។
ប្រភពពីប្រជាពលរដ្ឋនៅជិតកន្លែងកើតហេតុ បានឲ្យដឹងថា កាប៉ាល់ដឹកភ្ញៀវទេសចរមួយនេះលិចនៅម៉ោងប្រមាណជា១២យប់ទៅ១យប់ឈានចូលថ្ងៃទី១៧ វិច្ឆិកា ២០១៨។
បើតាមការអោយដឹងបន្ថែមទៀតថា វាអាចបណ្តាលមកពីរបូតទុយយោបូមទឹក ទើបបណ្តាលឲ្យកាប៉ាល់ទេសចរមួយនេះលិច តែមិនបណ្តាលឲ្យមានភ្ញៀវសេចរ និងអ្នកនៅក្នុងកាប៉ាល់ រងរបួស ឬស្លាប់នោះឡើយ ប៉ុន្តែទំហំនៃការខូចខាតទ្រព្យសម្បត្តិ នៅក្នុងការប៉ាល់ ក៏មិនដឹកប៉ុន្មាននោះដែរ។
សូមបញ្ជាក់ផងដែរថា កន្លងមកកាប៉ាល់មួយនេះ ក៏ធ្លាប់មានអ្នកស្លាប់ម្នាក់ ដែលជាជនជាតិវៀតណាម និងជាអ្នកបច្ចេកទេសជំនាញម៉ាស៊ីន នៅពេលដែលគេចតចាំទទួលភ្ញៀវត្រោយខាងកើតមាត់ទន្លេខាងមុខដើមពោធិ៍កំពង់ផែផ្សារក្រោមផងដែរ៕