Loading...

Tuesday, November 27, 2018

ស្រ្តីវ័យ២៣ឆ្នាំម្នាក់ សម្រេចចិត្តធ្វើអត្តឃាត ព្រោះតែភ្លើងប្រចណ្ឌ

អាម៉ាប៉ាប៉ាញ៉ូស

សៀមរាបៈ សមត្ថកិច្ចបានឲ្យដឹងថា ស្ត្រីម្នាក់បានធ្វើអត្តឃាតដោយចងកសម្លាប់ខ្លួន ផ្តើមចេញពីភ្លើងប្រចណ្ឌ ។ ហេតុការណ៍នេះ បានកើតឡើងនាយប់រំលងអធ្រាត្រ ឈានចូលថ្ងៃទី​ ២៧​ ខែ​វិច្ឆិកា​ ឆ្នាំ​២០១៨​ ស្ថិតនៅភូមិភ្ញាជ័យ សង្កាត់ស្វាយដង្គុំ ក្រុងសៀមរាប ខេត្តសៀមរាប ។

នគរបាលប៉ុស្តិ៍សង្កាត់ស្វាយដង្គុំបញ្ជាក់ថា ក្រោយទទួលបានព័ត៌មានពី ឈ្មោះ​ មុំ​ ស៊ុយ​ ភេទ​ប្រុស​ អាយុ​ ៤១​ឆ្នាំ​ ជាអ្នកជិតខាងកន្លែងកើតហេតុថា មានអ្នកជួលបន្ទប់ជិតផ្ទះគាត់ ឈ្មោះ​ សុត​ ហែម​ ហៅក្រៅ ល័ក្ខ​ ភេទ​ស្រី​ អាយុ​ ២៣​ ឆ្នាំ​​ ចងកស្លាប់ដោយខ្លួនឯង​ ពេលនោះសមត្ថកិច្ចការិយាល័យបច្ចេកទេស​ ក៏បានចុះមកពិនិត្យសាកសព ឃើញថា​ ជនរងគ្រោះពិតជាបានចងកស្លាប់ដោយខ្លួនឯងពិតមែន​ មិនមានពាក់ព័ន្ធបទល្មើសអ្វីទេ ។

ប្រភពបន្តថា មូលហេតុដែលបណ្តាលឲ្យស្ត្រីខាងលើធ្វើបែបនេះ គឺដោយសារមានវិបត្តិផ្លូវចិត្ត (ប្រចណ្ឌ) ។ ក្រោយពិនិត្យ និងធ្វើកោសល្យវិច័យរួច សមត្ថកិច្ចបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី ៕

@Amapapa.News

Feature Ads