header ads

Sponsor

អាម៉ាប៉ាប៉ាញ៉ូស

ភ្នំពេញៈ​ មន្ត្រី​យោធា​សក្ដិ​៤កន្លះ​មួយ​រូប សង្ស័យ​ស្រវឹង ​បើក​រថយន្ត​បុក​បង្គោល​ភ្លើង​នឹង​បង្គោល ​ស្លាក​សញ្ញា​បណ្ដាល ​ឲ្យ​រថយន្ត​ក្រឡាប់​​ ចំណែក​ឯ​អ្នក​បើកបរ ​រង​របួស​ធ្ងន់​ ហេតុការណ៍​នេះ​បាន​បង្ក​ឲ្យ​មាន​ការភ្ញាក់​ផ្អើល​យ៉ាង​ខ្លាំង ​កាល​ពី​វេលាម៉ោង​ជាង​១២យប់​រំលង ​អាធ្រាត្រ​ឈាន​ចូល​ថ្ងៃ​ទី​១៥ ខែ​ធ្នូ ​ឆ្នាំ​២០១៨ ​ដែល​មាន​ទីតាំង​ស្ថិត​នៅ​តាម​បណ្ដោយ​ផ្លូវ​លេខ​២១៧ ស្ថិត​ក្នុង​សង្កាត់​ដង្កោ ​ខណ្ឌ​ដង្កោ​។

ប្រភព​ព័ត៌មាន​ពី​កន្លែង​កើត​ហេតុ​បាន​ប្រាប់​ឲ្យ​ដឹង​ថា​នៅ​មុន​ពេល​កើតហេតុ ​គេ​ឃើញ​រថយន្ត​មួយ​គ្រឿង​ម៉ាក​ Lexus​ LX450 ពណ៌​ស្ករ​ ពាក់​ស្លាកលេខ​ភ្នំពេញ​ 2D-1359​ បាន​ធ្វើ​ដំណើរ​តាម​បណ្ដោយ​ផ្លូវ​លេខ​២១៧​ ក្នុង​ទិសដៅ​ពី​ត្បូង​ទៅ​ជើង​លុះ​មក​ដល់​ចំណុច​កើត​ហេតុ​ស្រាប់​តែ​រថយន្ត​បង្ក​ខាង​លើ​រេ​ចង្កូត​ទៅ​ឆ្វេង​ឡើង​ឃឿន​ជ្រុល​ទៅ​បុក​បង្គោល​ភ្លើង​នឹង​បង្គោល​ស្លាក​សញ្ញា​បណ្ដាល​ឲ្យ​បាក់​រាប​ដល់​ដី​ រីឯ​រថយន្ត​បង្ក​វិញ​បាន​ក្រឡាប់​ផ្ងារ​ជើង​ម្ខាង​រង​ការ​ខូចខាត​យ៉ាង​ដំណំ​។ ភ្លាមៗ​នោះ​ដែរ​អ្នក​ដែល​បាន​ឃើញ​ហេតុការណ៍​បាន​នាំ​គ្នា​មួយ​ជួយ​វាយ​កញ្ចក់​រថយន្ត​ដើម្បី​យក​អ្នក​បើក​បរ​ទៅ​សង្គ្រោះ​នៅ​ឯ​មន្ទីរពេទ្យ​។

ក្រោយ​កើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្ត​បង្ក​ខាង​លើ​ទៅរក្សាទុកនៅការិយាល័យចរចារណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post