Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

បុគ្គលិកអង្គការឃែរ៍ ជិះម៉ូតូបុកកង់ក្មេងស្រីសិស្សសាលា រងរបួសធ្ងន់​

អានផ្សេងទៀត

អាម៉ាប៉ាប៉ាញ៉ូស

រតនគិរីៈ បុគ្គលិកអង្គការឃែរ៍ បើកម៉ូតូខ្វះ​ការ​ប្រុងប្រយ័ត្ន បានបុកកង់ក្មេងស្រីសិស្សសាលាពីក្រោយ បណ្ដាលឲ្យក្មេងស្រីសិស្សសាលា២នាក់ រងរបួសធ្ងន់ស្រាល​។

គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១២៖១៥នាទីថ្ងៃទី២៤ ខែ១២ ឆ្នាំ២០១៨ នៅចំណុ​ចសាលារៀនសហការ លើផ្លូវជាតិ៧៦ បង្កោលលេខ២៨៣-២៨៤ ស្ថិតក្នុងភូមិព្រួក ឃុំបាតាង ស្រុកលំផាត់ ខេត្តរតនគិរី។

សមត្ថកិច្ច បានឲ្យដឹងថា ម៉ូតូបង្កម៉ាកហុងដាឌ្រីម សេ១២៥ ស៊េរីឆ្នាំ២០១១ ពណ៌ខ្មៅ ស្លាកលេខ ONG:151-107 បើកបរដោយ​ឈ្មោះ ហេង សុជាតិ ភេទប្រុស អាយុ៣៣ឆ្នាំ ជនជាតិខ្មែរ មុខរបរបុគ្គលិកអង្គការឃែរ៍ មានទីលំនៅភូមិទេសអន្លង់ ឃុំឡាបានសៀក ក្រុងបានលុង ខេត្តរតនគិរ (រងរបួសស្រាល) ឌុបក្មេងស្រីឈ្មោះ ហៀង អាមុយ អាយុ៨ឆ្នាំ សិស្ស មានទីលំនៅជាមួយអ្នកបើកបរម៉ូតូ (របួសធ្ងន់បែកថ្ងាស)។ ចំណែកភាគីកង់ជិះដោយ​ឈ្មោះ ហៀង អាមួយ ភេទស្រី អាយុ១១ឆ្នាំ សិស្ស មានទីលំនៅភូមិកាទៀង ឃុំល្បាំង១ ស្រុកលំផាត់ ខេត្តរតនគិរី របួសធ្ងន់បាក់ភ្លៅឆ្វេង។

សមត្ថកិច្ច បានឲ្យដឹងថា គ្រោះថ្នាក់ចរាចរណ៍នេះ បង្កឡើងបណ្តាលមកពីអ្នកបើកម៉ូតូមិនបានប្រុងប្រយ័ត្ននៅកន្លែងសាលារៀន បណ្តាលឲ្យ​បុកកង់ពីក្រោយ។

ក្រោយកើតហេតុក្មេងស្រីរងគ្រោះ ត្រូវបានបញ្ជូនទៅសង្រ្គោះនៅមន្ទីរពេទ្យបង្អែកខេត្តរតគិរី។ ចំណែកម៉ូតូ និងកង់ សមត្ថកិច្ច​បានយករក្សាទុកនៅអធិការដ្ឋាននគរ​បាល​ស្រុកលំផាត់ ដើម្បីដោះស្រាយតាមនីតិវិធី៕

@Amapapa.News
Sponsor