Friday, December 21, 2018

រថយន្តបែនដឹកដី បើកលឿននោះលឿន ជ្រុលទៅបុករថយន្តដឹកបេតុង ហើយរេចង្កូតឡើងសួន

អាម៉ាប៉ាប៉ាញ៉ូស

ភ្នំពេញៈ រថយន្តហ៊ីយ៉ាន់ដាយ បែនកង់១០ ដឹកដីមួយគ្រឿង អ្នកបើកបរសង្ស័យអាងថៅកែ ទើបបើករាល់ថ្ងៃល្បឿនលឿនម្លឹងៗ លុះជួបបញ្ហាឧបសគ្គខាងមុខ ដោយបើកបុកជាមួយរថយន្តដឹកបេតុង កំពុងរយ៊ែរថយក្រោយ ចូលការដ្ឋាន រួចរេចង្កូតផ្លោតឡើងលើសួនច្បារទ្រូងផ្លូវតែម្តង ស្ថិតនៅតាមផ្លូវទំនប់កប់ស្រូវ ភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ កាលពីវេលាម៉ោង១០៖៥០នាទីព្រឹក ថ្ងៃទី២១ ខែធ្នូ ឆ្នាំ២០១៨។

សមត្ថកិច្ចបានឲ្យដឹងថា រថយន្តបង្ក ម៉ាកហ៊ីយ៉ាន់ដាយ បែនកង់១០ ពណ៌ស ពាក់ស្លាកលេខ ព្រះសីហនុ 3A-0374 ដឹកដីពេញរថយន្ត។ ចំណែក រថយន្តម្ខាងទៀត ម៉ាក HOWO ពណ៌បៃតង ពាក់ស្លាកលេខ ភ្នំពេញ 5A-0971 ដឹកបេតុង។

សមត្ថកិច្ចបន្តថា មុនកើតហេតុ រថយន្តដឹកបេតុង កំពុងរយ៊ែរថយក្រោយ ចូលនៅការដ្ឋានចំណុចខាងលើ ស្រាប់តែរថយន្តដឹកដី គាត់បើកល្បឿនលឿនមិនខ្វល់ ដោយសារមិនមែនឡានគាត់ បោះពួយលឿននោះលឿន តាមបណ្តោយផ្លូវទំនប់កប់ស្រូវ ពីលិចទៅកើត ក៏ជ្រុលមកបុកក្បាលរថយន្ត ដឹកបេតុងពីចំហៀងខាង្វេង ហើយរថយន្តដឹកដីរេចង្កូត ឡើងលើសួនច្បារ ទ្រូងផ្លូវតែម្តង។

ក្រោយកើតហេតុ រថយន្តទាំង២គ្រឿង សមត្ថកិច្ចបានវាស់វែងរួចយកទៅរក្សាទុកនៅការិយាល័យចរាចរណ៍ជើងគោកក្រុងភ្នំពេញ រងចាំដោះស្រាយពេលក្រោយ៕

@Amapapa.News

Feature Ads