ភ្នំពេញៈ ជនប្រើអំពើហិង្សារវាយបំផ្លិចបំផ្លាញទ្រព្យសម្បត្តិ និងប្រើប្រាស់គ្រឿងម្នាក់ ត្រូវបានសមត្ថកិច្ចនគរបាលខណ្ឌដូនពេញឃាត់ខ្លួន កាលពីវេលាម៉ោង៩៖៤០នាទីយប់ថ្ងៃពុធ ១៣កើត ខែកក្តិក ឆ្នាំច សំរិទ្ធិ ព.ស២៥៦២ ត្រូវនឹងថ្ងៃទី៥ ខែធ្នូ ឆ្នាំ២០១៨ នៅចំណុចផ្ទះ៩២អឺ៤ ផ្លូវ១២៦ ភូមិ២ សង្កាត់ផ្សារថ្មីទី២ ខណ្ឌដូនពេញ។
នគរបាលខណ្ឌដូនពេញ បានឲ្យដឹងថា មុននឹងឃាត់ខ្លួនជនស្រវឹងគ្រឿងញៀនខាងលើ ដោយមានកិច្ចសហការពីប្រជាពរដ្ឋបានរាយការណ៍មកថា មានមនុស្សប្រើអំពើហិង្សាវាយបំផ្លិចបំផ្លាញ ហើយបម្រុងដុតផ្ទះ ពេលនោះកម្លាំងខណ្ឌ នឹងប៉ុស្តិ៍ បានចុះទៅដល់ ចំណុចកើតហេតុលើ ដោយមានការសំណូមពរ ពីឪពុកម្តាយ អោយសមត្ថកិច្ចឃាត់ខ្លួនជនសង្ស័យ ឈ្មោះ ញឹក សោភណ្ឌ័ ភេទប្រុស អាយុ៤០ឆ្នាំ រួចបញ្ជូនទៅអធិការនគរបាលខណ្ឌដូនពេញ ធ្វើរការសាកសួរ តាមនីតិវិធីច្បាប់៕