Monday, December 24, 2018

ក្រសួងរៀបចំដែនដី រកចំណូលជូនជាតិបានប្រមាណ៩៧លានដុល្លារ ក្នុងឆ្នាំ២០១៨

រិទ្ធី

ក្រសួង​រៀបចំដែនដី នគរូបនីយកម្ម និងសំណង់ ក្រោមការដឹកនាំរបស់ឯកឧត្តម ជា សុផារ៉ា ប្រមូល​ចំណូល​ចូលជាតិ​បាន​ជាង ៣៩០ ៤៧៦​លាន​រៀល ស្មើ​ប្រមាណ​៩៧​លាន​ដុល្លារអាមេរិក គិតចាប់ពីខែមករា ដល់ខែធ្នូ ឆ្នាំ២០១៨។ នេះ​បើតាម​របាយការណ៍ ដែល​បាន​ផ្សព្វផ្សាយ ក្នុង​សន្និបាត​របស់​ក្រសួង​ នៅ​ព្រឹក​ថ្ងៃទី​២៤ ខែធ្នូ ឆ្នាំ​២០១៨ ស្តីពី​ការ​បូកសរុប​លទ្ធផល​ការងារ​ឆ្នាំ​២០១៨ និងលើក​ទិសដៅ​ការងារ​ឆ្នាំ​២០១៩​។​

សូមបញ្ជាក់ថា ចំណូល​ទាំងនោះរួមមាន៖ ចំណូល​ពី​សេវាកម្ម​សុរិយោដី​ជាង​១១​លាន​ដុល្លារ​ ចំណូល​ពី​សេវា​សំណង់​ជាង​៤​លាន​ដុល្លារ​ ចំណូល​ពី​ការជួល​ទីតាំង​រោងចក្រ​ សហគ្រាស​ជិត​៧​ម៉ឺន​ដុល្លារ​ និង​ចំណូល​ពី​ពន្ធ​លើ​ការផ្ទេរ​អចលនទ្រព្យ​ជាង​៨១​លាន​ដុល្លារ​។ 

សូមបញ្ជាក់ថាក្រក្រសួងរៀបចំដែនដី នគរូបនីយកម្ម និងសំណង់ ធ្វើសន្និបាតបូកសរុបលទ្ធផលការងារឆ្នាំ២០១៨ និងលើកទិសដៅការងារឆ្នាំ២០១៩ នៅថ្ងៃចន្ទ ២រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែធ្នូ ឆ្នាំ២០១៨ ក្រោមអធិបតីភាពឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

@Amapapa.News

Feature Ads