Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

(ខ្សឹប) ខ្លាំងដូចគេថា! ឧកញ៉ា ទៀ វិចិត្រ មានអំណាចខ្លាំងលើដែនសមុទ្រ ខាងនាំចូលប្រេងសាំងគេចពន្ធ គ្មានសមត្ថកិច្ចណាហ៊ានប៉ះ!!

អានផ្សេងទៀត

អាម៉ាប៉ាប៉ាញ៉ូស

(ខ្សឹប) ជារឿយៗនាយ "ក្តាមប្រៃ" តែងតែឮឈ្មោះ និងឃើញរូបថតសកម្មភាពផ្សេងៗ របស់លោកឧកញ៉ាម្នាក់ មានឈ្មោះល្បីនៅក្នុងបណ្តាញសង្គមហ្វេសប៊ុកស្អីគេនោះ បង្ហាញពីអំនួតនៃទ្រព្យធនដ៏សម្បូរបែប ភ្ជាប់ជាមួយនូវពាក្យពេជ្រលើផេករបស់ខ្លួន ព្រមទាំងសកម្មភាពនៃការធ្វើទានជាដើម ដែលទង្វើនេះ នាយយើងនឹកស្មានថា លោកឧកញ៉ារូបនេះ ធ្វើជុំនួញរកស៊ីមានលុយកាក់ត្រឹមត្រូវហើយមើលទៅ តែពេលនាយ "ក្តាមប្រៃ" បានដឹងពីការមានលុយកាក់ហូរហ៊ារ ក្លាយជាសេដ្ឋីវ័យក្មេងនេះ ត្រូវបាន​ប្រភពពីក្រុមមន្ត្រី​គយ​មួយចំនួន ព្រមទាំង​សមត្ថកិច្ច​ពាក់ព័ន្ធ​ក្នុង​ខេត្ត​ព្រះសីហនុ និងខេត្តកោះកុង នោះបានខ្សឹបមកប្រាប់នាយ "ក្តាមប្រៃ" ឲ្យ​ដឹងថា ឧកញ៉ា ទៀ វិចិត្រ ដែលមាន​ខ្នងបង្អែក​រឹងមាំ​ កំពុង​សម្រុក​នាំចូល​ប្រេងសាំង​គេចពន្ធ​មក​លក់​ចែកចាយ​ក្នុង​ខេត្ត​ព្រះសីហនុ កាន់តែ​ច្រើនឡើងៗ​ ដោយគ្មានអ្នកណាហ៊ានបង្ក្រាបនោះឡើយ។

ប្រភព​ខាងលើ បានខ្សឹបឲ្យនាយ "ក្តាមប្រៃ" ​បាន​ដឹង​ទៀតថា​ លោកឧកញ៉ា ទៀ វិចិត្រ គឺជា​កូនប្រុស​របស់លោក ទៀ វិញ មេបញ្ជាការ​កងទ័ពជើងទឹក និង​ជា​ក្មួយប្រុសបង្កើត​របស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ។ ដូច្នេះហើយ ​ទើប​គ្មាន​សមត្ថកិច្ច​នៃស្ថាប័នណាមួយហ៊ាន​ប៉ះពាល់​ដល់ជំនួញប្រេងគេចពន្ធលើផ្ទៃសមុទ្ររបស់លោកឧកញ៉ា ទៀ វិចិត្រ ឡើយ​។ ផ្ទុយទៅវិញ​ មានតែ​មន្ត្រី​ជំនាញ ​និង​សមត្ថកិច្ច​ពាក់ព័ន្ធ​មួយចំនួន សុខចិត្តទទួលយកផលប្រយោជន៍​យ៉ាង​ត្រជាក់មេជើងពីលោកឧកញ៉ាវ័យក្មេងរូបនេះ​ ព្រោះតែមិនហ៊ានបង្ក្រាបលើទំនិញខុសច្បាប់ ដែលមានឈ្មោះរបស់លោកឧកញ៉ា ទៀ វិចិត្រ។

បើតាម​មន្ត្រី​គយ​ក្នុង​ខេត្ត​ព្រះសីហនុ មួយចំនួន ​បានខ្សឹបមកប្រាប់នាយ "ក្តាមប្រៃ" ឲ្យ​ដឹងថា បច្ចុប្បន្ននេះ ឧកញ៉ា ទៀ វិចិត្រ នាំចូល​ប្រេងសាំង​គេចពន្ធ​តាម​ច្រក​កំពង់ផែ៣​កន្លែង ​នៅ​ខេត្ត​ព្រះសីហនុ គឺ​ច្រកផែ​ទំនប់រលក និង​ច្រក​កំពង់ផែផ្សេងៗទៀត​។ ហើយរាល់ប្រេងសាំងទាំងនោះ មន្ត្រីសមត្ថកិច្ចគ្រប់ស្ថាប័នសុទ្ធតែបានដឹងថា ជាទំនិញគេចពន្ធរបស់លោកឧកញ៉ារូបនេះដែរ តែមិនបង្ក្រាបទេ ព្រោះមិនហ៊ានប៉ះពាល់ ហើយការបង្ក្រាបក៏គ្មានប្រសិទ្ធិភាពដែរ។ អ៊ីចឹងហើយ មានតែជួយការពារបន្ថែម ហើយពួកគេទទួលយកផលប្រយ៉ោជន៍ចូលហោប៉ៅជាការស្រេច(sic)។ ហើយសកម្មភាពបែបនេះ ទើបធ្វើឲ្យលោក​ឧកញ៉ា ទៀ វិចិត្រ មិន​ញញើត​ក្នុងការ​នាំចូល​ប្រេងសាំង​គេចពន្ធតាម​អំពើ​ចិត្ត​។ ​សូម្បីតែ​មន្ត្រី​គយ​លើ​ផ្ទៃសមុទ្រ​ និង​សមត្ថកិច្ច​ពាក់ព័ន្ធ​លើ​ផ្ទៃសមុទ្រ ក៏ត្រូវ​មានការ​យោគយល់​ដល់​ការនាំចូលប្រេងគេចពន្ធរបស់ឧកញ៉ារូបនេះផងដែរ​។

ដោយឡែក ប្រភព​ដែល​ស្និទ្ធ​នឹង​ឧកញ៉ា ទៀ វិចិត្រ ក៏បានខ្សឹបមកប្រាប់នាយ "ក្តាមប្រៃ" ឲ្យ​ដឹងផងដែរថា ឧកញ៉ា ទៀ វិចិត្រ ព្រមទាំង​ក្មួយប្រុស​ឈ្មោះ ឌី កំពុង​សម្រុក​នាំ​ប្រេងសាំង​គេចពន្ធ​ និង​ទំនិញគេចពន្ធ​ជាច្រើន​ប្រភេទ ​ចូល​តាម​ច្រក​ទំនប់រលក និង​ច្រក​ផ្សេងៗ​ទៀត​យ៉ាង​រលូន​ ដែលធ្វើឲ្យបាត់បង់ពន្ធអាករចូលរដ្ឋ ក្នុងមួយខែៗរាប់សិបលានដុល្លារឯណោះ។ ជាមួយគ្នានេះ សមត្ថកិច្ច​គ្រប់​ស្ថាប័ន​ក្នុង​ខេត្ត​ព្រះសីហនុ គ្រាន់តែ​ឮថា ទំនិញរបស់ឧកញ៉ា ទៀ វិចិត្រ គឺ​ពួកគេ​មិន​ហ៊ាន​ក្អក​ជាមួយ​ឡើយ ​ព្រោះ​ឧកញ៉ាម្នាក់នេះ ​មាន​ឪពុក​ឈ្មោះ ទៀ វិញ ជា​មេបញ្ជាការ​កងទ័ពជើងទឹក ហើយ​មាន​បងប្រុស​ឈ្មោះ ទៀ សុខា ជា​មេបញ្ជាការរង​កងទ័ព​ជើង​ទឹកផងដែរ​។ លើស​នេះ​ទៅទៀត ​ឧកញ៉ា ទៀ វិចិត្រ ដែលមានខ្នងបង្អែក​រឹងមាំ​បែបនេះ ធ្វើ​ឲ្យ​មន្ត្រី​ជំនាញ ​និងសមត្ថកិច្ច​ក្នុង​ខេត្ត​ព្រះសីហនុ ញាក់សាច់​ ញាក់​ឆ្អឹងខ្នង​ គ្រប់ៗ​គ្នា​។

បើតាមមន្ត្រីនគរបាល​ប្រឆាំង​បទល្មើស​សេដ្ឋកិច្ច​ក្នុង​ខេត្ត​ព្រះសីហនុវិញ ដែល​សុំ​មិន​បញ្ចេញ​ឈ្មោះ​ បានខ្សឹប​ឲ្យនាយ "ក្តាមប្រៃ" ដឹងដែរថា ជា​រៀងរាល់ថ្ងៃ​យប់​ លោកឧកញ៉ា ទៀ វិចិត្រ និងឈ្មោះ ឌី បាន​បញ្ជា​ឲ្យ​មនុស្ស​របស់ខ្លួន​ដឹកជញ្ជូន​ប្រេងសាំង​ចេញពី​ឃ្លាំង​ ដែលមាន​ជញ្ជាំង​ផ្ទាល់ខ្លួន និង​ស្ថានីយ៍​ប្រេងឥន្ធនៈ​របស់ខ្លួន​មួយកន្លែង នៅ​ជិត​ផ្លូវ​ចូលទៅ​កោះ​ព្រាប ចំណុច​ទំនប់រលក សង្កាត់​លេខ​១ ក្រុងព្រះសីហនុ​ ទៅចែកចាយតាមស្ថានីយ៍ផ្សេងៗទូទាំងខេត្តព្រះសីហនុ និងខេត្តផ្សេងៗទៀត រហូតដល់រាជធានីភ្នំពេញផងដែរ។

ប្រភពដដែលនេះ បានខ្សឹបឲ្យដឹងបន្ថែមទៀតថា ឃ្លាំង​ស្តុក​ប្រេងសាំង​របស់​ឧកញ៉ា ទៀ វិចិត្រ គឺមាន​ចម្ងាយ​ប្រមាណ​១០០​ម៉ែត្រ​ប៉ុណ្ណោះ ​ពី​ស្នាក់ការ​គយ​ទំនប់រលក ប៉ុន្តែ​គ្មាន​សមត្ថកិច្ច​គយ​ ឬ​សមត្ថកិច្ច​ពាក់​ព័ន្ធ​ណា ​ហ៊ាន​ប៉ះពាល់​រាល់ទំនិញលោកឧកញ៉ា ទៀ វិចិត្រ នោះទេ​ ព្រោះ​គេ​បានដឹង​ច្បាស់​ពី​ឥទ្ធិពល​ខ្លាំងក្លា​របស់​ឈ្មួញ​រូបនេះ​រួចទៅហើយ​។

ពាក់ព័ន្ធរាល់ប្រភពរបស់មន្ត្រី ក៏ដូចមនុស្សស្និតនឹងលោកឧកញ៉ារូបនេះ ដែលបានខ្សឹបមកប្រាប់នាយ "ក្ដាមប្រៃ" ឲ្យបានដឹងនេះ នាយយើងមិនបញ្ចេញមតិ ឬទស្សនៈ ឬយោបល់ផ្ទាល់ខ្លួននោះទេ។ ដោយទុកនាទីនេះ ជូនថ្នាក់ដឹកនាំ ក៏ដូចមហាជន ជាអ្នកវិនិច្ឆ័យទៅចុះ ដោយនាយ ក្តាមប្រៃ បានត្រឹមតែខ្សឹបប្រាប់ជាដំណឹងខ្លះៗប៉ុណ្ណោះ៕

@Amapapa.News
Sponsor