header ads

Sponsor

អាម៉ាប៉ាប៉ាញ៉ូស

ភ្នំពេញៈ ប្រភពព័ត៌មានពីសាលាដំបូងរាជធានីភ្នំពេញ បានឲ្យ​ដឹងថា នារសៀលថ្ងៃទី១៣ ធ្នូ ឆ្នាំ២០១៨នេះ សមត្ថកិច្ចក្រសួងមហាផ្ទៃ បានបញ្ជូនប្រធានសហជីពកម្មករសំណង់ ដែលមានមូលដ្ឋាននៅប្រទេសថៃ ជាប់ពាក់ព័ន្ធនិងសំណុំរឿងផលិតខ្សែវីដេអូររឿង “ម្ដាយខ្ញុំលក់ខ្ញុំ” មកតុលាការហើយ ដើម្បីសាកសួរនិងសម្រេចតាមច្បាប់ ។ ជនជាប់សង្ស័យក្នុងរឿងក្ដីនេះ ឈ្មោះ រ៉ាត់ រត្នមុនី។

កាលពីសប្ដាហ៍មុន អ្នកស្រី ឡុង គីមហ៊ាង ដែលត្រូវជាភរិយាលោក រ៉ាត់ រត្នមុនី បានប្រាប់អ្នកកាសែតថា ស្វាមីរបស់អ្នស្រីឈ្មោះ រ៉ាត់ រត្នមុនី ដែលជាប្រធានសហជីពកម្មករសំណង់ និងភ្នាក់ងារសារព័ត៌មានរុស្ស៊ីធូដេ (RT) ត្រូវបានសមត្ថកិច្ចថៃចាប់ខ្លួននៅថ្ងៃទី៧ ធ្នូ ឆ្នាំ២០១៨ ហើយនឹងបញ្ជូនមកឲ្យរដ្ឋាភិបាលកម្ពុជាវិញ តាមការស្នើសុំ។

អ្នកស្រី ឡុង គឹមហ៊ាង ក៏បានអះអាងថា ការចាប់ខ្លួនស្វាមីគាត់នេះ គឺ​ពាក់ព័ន្ធការផលិតវីឌីអូឯកសារមួយមានចំណងជើងថា «ម្តាយខ្ញុំលក់ខ្ញុំ» របស់សារព័ត៌មានរុស្ស៊ីធូដេ (RT)។

វីដេអូ «ម្តាយខ្ញុំលក់ខ្ញុំ» និយាយពីស្ត្រីខ្មែរលក់កូនស្រីខ្លួនឯង ដោយសារតែជីវភាពខ្វះខាត និង រៀបរាប់ពីស្ថានភាពនៃការប្រកបអាជីវកម្មផ្លូវភេទនៅកម្ពុជា បានធ្វើឲ្យរាជរដ្ឋាភិបាលខឹងសម្បារ ព្រោះថាជាការមួលបង្កាច់កិត្យានុភាព កិតិ្តយស និងសេចក្ដីថ្លៃថ្នូររបស់ស្ត្រីខ្មែរ។

សមត្ថកិច្ចកម្ពុជា បានបកស្រាយថា វីឌីអូនោះ គឺជាការប្រឌិតឡើង ដើម្បីធ្វើឲ្យប៉ះពាល់ដល់កិត្តិយសរបស់កម្ពុជា៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post