Thursday, December 13, 2018

ឡាន​បែនដឹកដី​ ឡើង​ជែងលឿនពេក ជ្រុល​ទៅបុករថយន្តកូរ៉េពីក្រោយ​ រអិលធ្លាក់ប្រឡាយ គៀបព្រូ ក្នុងកាប៊ីន រងរបួសធ្ងន់

អាម៉ាប៉ាប៉ាញ៉ូស

ភ្នំពេញៈ បុរសម្នាក់ជាព្រូរថយន្ត បាន​​គៀបជាប់ក្នុងកាប៊ីនរថយន្ត រងរបួសធ្ងន់ ក្រោយ​ពី​រថយន្ត​បែនដឹកដី បើក​វ៉ាជែង​ក្នុងល្បឿនលឿន​ ហើយជ្រុល​ទៅបុករថយន្តកូរ៉េពីក្រោយពេញទំហឹង ​ហើយក្រឡាប់ធ្លាក់ចូលប្រឡាយ​។

គ្រោះថ្នាក់ចរាចរណ៍ បង្កឲ្យមានការភ្ញាក់ផ្អើលនេះ​ បានកើតឡើង​នៅវេលាម៉ោង១៖៣០នាទីរសៀល​ ថ្ងៃព្រហស្បតិ៍​ ទី១៣ ខែឆ្នូ​ ឆ្នាំ២០១៨ ត្រង់ចំណុចផ្លូវបេតុងទំនប់កប់ស្រូវ ភូមិត្រពាំងរាំង សង្កាត់ឃ្មួញ ខណ្ឌសែនសុខ​ រាជធានីភ្នំពេញ។

សាក្សីដែលឃើញហេតុការណ៍ផ្ទាល់បានរៀបរាប់ភ្នាក់ងារ​ ខេមប៉ុស្តិ៍​​ ថា ដំបូងឡើយគេឃើញរថយន្តកូរ៉េដឹកទឹកសុទ្ធ ពាក់ស្លាកលេខភ្នំពេញ​ ​2-2843 បានបើកមកចតទុកចោលអែបចិញ្ចើមផ្លូវក្បែរកន្លែងកើតហេតុខាងលើ​ លុះមកដល់វេលាម៉ោងកើតហេតុ ស្រាប់តែមានរថយន្តបែនដឹកដីធុនធំ មួយគ្រឿង​ ពណ៌ស ពាក់ស្លាកលេខភ្នំពេញ​ 3C-0085 បើកដោយបុរសម្នាក់ បានបើកវ៉ាជែងរថយន្ត​ប៉ែនដឹកដី(មិនចាំស្លាកលេខ) មួយគ្រឿង​ទៀត ក្នុងល្បឿនលឿន​ ក៏ជ្រុលទៅបុកចំពីក្រោយរថយន្ត​កូរ៉េដឹកទឹកសុទ្ធនោះពេញទំហឹង បណ្តាលឲ្យរថយន្តទាំង២គ្រឿង រអិលធ្លាក់ចូលប្រឡាយ និងបណ្ដាលបុរសម្នាក់ជាព្រូរថយន្ត​គៀបជាប់ក្នុងកាប៊ីនរថយន្ត រងរបួសធ្ងន់ ហើយត្រូវបានប្រជាពលរដ្ឋនាំគ្នាជួយលើកចេញមកក្រៅ រួចបញ្ជូនទៅមន្ទីរពេទ្យ។ បន្ទាប់មក​ភាគីម្ចាស់រថយន្ត​ដឹកដី បានគេចខ្លួនបាត់ពីកន្លែងកើតហេតុអស់។

ក្រោយកើតហេតុសមត្ថកិច្ចមូលដ្ឋានចុះមកដល់បានទំនាក់ទំនងទៅសមត្ថកិច្ចផ្នែកចរាចរណ៍នៃអធិការដ្ឋាននគរបាលខណ្ឌសែនសុខ ចុះមកពិនិត្យមើល​ និងរាយការណ៍​ប្រាប់សមត្ថកិច្ច​ជំនាញ ចុះមកវាស់វែង រួចស្ទូចយករថយន្តទាំង២គ្រឿង ទៅរក្សាទុកនៅការិយាល័យចរាចរណ៏ផ្លូវគោក រាជធានីភ្នំពេញរង់ចាំដោះស្រាយគ្នាតាមផ្លូវច្បាប់៕

@Amapapa.News

Feature Ads