ភ្នំពេញៈ យុវជនម្នាក់បានដាក់ថ្នាំសណ្តំស្ត្រីរងគ្រោះយកទៅរំលោភក្នុងបន្ទប់ផ្ទះសំណាក់រហូតមានផ្ទៃពោះជាង៤ខែតែត្រូវចាប់បាននៅក្រុងប៉ោយប៉េត និងនាំមកប្រគល់ឱ្យកងរាជអាវុធហត្ថរាជធានីភ្នំពេញកាលពីថ្ងៃទី៥ ខែធ្នូ ឆ្នាំ២០១៨ ត្រូវបានបញ្ជូនមកអយ្យការអមសាលាដំបូងរាជធានីភ្នំពេញនាថ្ងៃទី៧ធ្នូ ដើម្បីធ្វើការសាកសួរ។
ជនសង្ស័យដែកត្រូវចាប់ខ្លួនឈ្មោះ រ៉ន វីរ៉ា ភេទប្រុស អាយុ២១ឆ្នាំ មានស្រុកកំណើតនៅផ្ទះលេខ៩៨ ផ្លូវលេខ២២ បុរីពិភពថ្មី២ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ តែក្រោយផលិតបទល្មើសរត់ទៅរស់នៅប៉ោយប៉ែត។
ក្រោយពីមានការបង្ខាំងរំលោភរួចមកជនរងគ្រោះបានដាក់ពាក្យបណ្តឹងកម្លាំងកងរាជអាវុធហត្ថរាជធានីភ្នំពេញដែលចុះប្រតិបត្តិការបង្ក្រាបករណីរំលោភសេពសន្ថវៈគឺស្ត្រីរងគ្រោះបានប្តឹងជនសង្ស័យពីបទដាក់ថ្នាំសណ្តំយកទៅរំលោភក្នុងបន្ទប់ផ្ទះសំណាក់ ដែលប្រព្រឹត្តនៅអំឡុងខែមិថុនា ឆ្នាំ២០១៨ ស្ថិតក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
លោកវរសេនីយ៍ឯក ម៉ែន ភិរម្យ បានបញ្ជាក់ថា ក្រោយពេលជនសង្ស័យដាក់ថ្នាំសណ្តំរំលោភស្ត្រីរងគ្រោះបានសម្រេចហើយបានរត់គេចខ្លួនមកស្នាក់នៅក្រុងប៉ោយប៉ែតជាមួយមិត្តភក្តិ ហើយស្ត្រីរគ្រោះលាក់លៀម ឪពុកម្តាយរហូតមានផ្ទៃពោះ៤ខែ២១ថ្ងៃ ទើបឪពុកម្តាយដឹងបានប្តឹងកម្លាំងកងរាជអាវុធហត្ថរាជធានីភ្នំពេញសហការជាមួយកម្លាំងកងរាជអាវុធហត្ថខេត្តបន្ទាយមានជ័យធ្វើការស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យនៅថ្ងៃទី៤ ខែធ្នូ ឆ្នាំ២០១៨ នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា ក្រោយពេលឃាត់ខ្លួនជនសង្ស័យពាក់ព័ន្ធករណីដាក់ថ្នាំសណ្តំស្ត្រីរងគ្រោះយកទៅរំលោភរហូតបានសម្រេច និងមានផ្ទៃពោះជាង៤ខែ ទើបឪពុកម្តាយបានដឹង និងប្តឹងកម្លាំងកងរាជអាវុធហត្ថខេត្តបន្ទាយមានជ័យដើម្បីឃាត់ខ្លួនជនសង្ស័យ និងបានកសាងសំណុំរឿងប្រគល់ជូនកម្លាំងជំនាញកងរាជអាវុធហត្ថរាជធានីភ្នំពេញដើម្បីអនុវត្តតាមច្បាប់។
បច្ចុប្បន្នសំណុំរឿងរំលោភសេពសន្ទវៈនេះ តំណាងអយ្យការអមតុលាការកំពង់សាកសួរជនសង្ស័យនៅឡើយ៕