Thursday, December 13, 2018

សង្វេគណាស់! រថយន្តដឹកសំរាម បុកឌ្រីមសង់ ពីរនាក់ប្តីប្រពន្ធ ស្លាប់យ៉ាងអណោចអធ័ម ខណៈកូនរងរបួសធ្ងន់

អាម៉ាប៉ាប៉ាញ៉ូស

សៀមរាបៈ រថយន្តដឹកសំរាម បើកបរខ្វះការប្រុងប្រយ័ត្ន ជ្រុលទៅបុកម៉ូតូ១គ្រឿងពេញទំហឹង បណ្ដាលឲ្យ២នាក់ ស្លាប់យ៉ាងអណោចអធ័ម រីឯកូនតូចរងរបួសធ្ងន់ ហេតុការណ៍​ដ៏រន្ឋត់នេះ កើតឡើងនៅ​ថ្ងៃទី១២ ខែធ្នូ ឆ្នាំ២០១៨ នៅលើ​ផ្លូវជាតិ​លេខ៦ ស្ថិតក្នុងភូមិ​លលៃ ឃុំ​បាគង ស្រុក​ប្រាសាទបាគង ខេត្តសៀមរាប។

សមត្ថកិច្ចបានឲ្យដឹងថា ករណី​គ្រោះថ្នាក់​ចរាចរណ៍​នេះ បង្ក​ឡើងដោយ​រថយន្ត​ដឹក​សំរាម​ក្រុមហ៊ុន ​កៃ ​យ៉ា និង​ម៉ូតូ​ម៉ាក​ឌ្រី​ម​សង់ បើកបរ​ស្រប​ទិស​គ្នា​ពីកើ​តទៅ​លិច ​ជិះ៣នាក់​ប្តី​ប្រពន្ធ​ និង​កូនតូច បណ្តាល​ឲ្យ​ប្រពន្ធ​ស្លាប់​នៅនឹងកន្លែង ចំណែកប្ដីស្លាប់ពេលបញ្ជូនដល់មន្ទីរពេទ្យ និងកូនម្នាក់ទៀត ​រងរបួសធ្ងន់។ ស្ត្រីជន​រងគ្រោះ​ដែល​បានស្លាប់នោះ​មានឈ្មោះ ឈឿន សុខសាន្ត អាយុ២៦ឆ្នាំ មុខរបរ​លក់​មាន់​អាំង។

ក្រោយកើតហេតុ សមត្ថកិច្ច​បាន​ចុះ​ទៅដល់​កន្លែងកើតហេតុ ធ្វើការ​វាស់វែង​ និង​នាំយក​ម៉ូតូ​និង​រថយន្ត​មករក្សាទុក​នៅ​អធិការដ្ឋាន​នគរបាល​ស្រុក​ប្រាសាទបាគង ដើម្បី​ដោះស្រាយ​តាមផ្លូវ​ច្បាប់៕

@Amapapa.News

Feature Ads