Friday, December 21, 2018

អតីតអ្នកនាំពាក្យ បក្សប្រឆាំង ចង់ឃើញថ្នាក់ដឹកនាំរួមគ្នា ពិភាក្សា រឿង EBA

អាម៉ាប៉ាប៉ាញ៉ូស

ភ្នំពេញៈ អតីតអ្នកនាំពាក្យគណបក្សសង្គ្រោះជាតិ បានប្រកាសឲ្យថ្នាក់ដឹកនាំ រួមទាំងបក្សកាន់អំណាច និងបក្សប្រឆាំង ពិភាក្សាគ្នារឿងការដកអនុគ្រោះពន្ធ (EBA)របស់សហគមន៍អឺរ៉ុបមកលើកម្ពុជា ។

លោក យ៉ែម បុញ្ញាឬទ្ធិអតីតអ្នកនាំពាក្យគណបក្សសង្គ្រោះជាតិបានលើកឡើង តាមបណ្តាញសង្គមយ៉ាងដូច្នេះថា នយោបាយសេដ្ឋកិច្ច​ សេដ្ឋកិច្ចគ្រួសារ​ សេដ្ឋកិច្ចជាតិ​ ជាសសរស្ដម្ភមួយ​យ៉ាងសំខាន់​ ដែលត្រូវបានយកទៅបែងចែក​ និងជំរុញការអភិវឌ្ឍ ទៅលើវិស័យការពារជាតិ​ វិស័យអប់រំ​ វិស័យសុខាភិបាល​ និងវិស័យសង្គមផ្សេងៗទៀត...​ ។

លោកបញ្ជាក់ថា" អ្នកនយោបាយ​ ក្រុមដឹកនាំ​ ល្មមដល់ពេលរួមគ្នាគិតគូរពី​ សង្គមជាតិ​ សេដ្ឋកិច្ចជាតិ និងប្រជាពលរដ្ឋ។ សហគមន៍អឺរ៉ុប EBA ទីផ្សារចិន​ ជប៉ុន​ អាមេរិក​ និងទីផ្សារប្រទេសនានាទៀត​ គឺជាចំណុចទាក់ទាញអ្នកវិនិយោគមកបង្កើតការងារឲ្យពលរដ្ឋខ្មែរ កាត់បន្ថយភាពក្រីក្រ​ និងអភិវឌ្ឍន៍ជាតិយើង។ ឱកាសយើងនៅមានក្នុងការរក្សាការអនុគ្រោះពន្ធ​ EBA ដើម្បី​នាំ​ទំនិញ​ចូល​ទីផ្សារ​សហភាព​អឺរ៉ុប​ ផ្ទុយទៅវិញបើមានការ​បាត់បង់​វិញនោះ​ វានឹង​បង្ក​ផល​ប៉ះ​ពាល់​ជា​អវិជ្ជមានដោយសារការ​កើនឡើង​នៃ​ថ្លៃ​ចំណាយ​ដែល​បណ្តាល​មក​ពី​ការ​ជាប់ពន្ធ​ ដែល​ធ្វើ​ឲ្យ​ខូចខាត​ ប៉ះពាល់ដល់​លទ្ធភាព​នៃ​ការ​ប្រកួត​ប្រជែង​ក្នុងការ​នាំ​ចេញ​របស់​ប្រទេសយើង"។

លោកបន្ថែមថា អ្វីដែលយើងអាចធ្វើបាន​ ដោយចាប់ផ្ដើមពីខ្លួនយើង​ ក្នុងការកសាងទំនុកទុកចិត្តគ្នា រវាងខ្មែរ ​នឹងខ្មែរ ដែលត្រូវរួមរស់ជាមួយគ្នា​ ត្រូវគោរពផ្ដល់តម្លៃគ្នាទៅវិញទៅមក​ លុបបំបាត់វប្បធម៌លាបពណ៌​ មួលបង្កាច់​ ជេរប្រមាថ​ ដែលនាំឲ្យមានការបែកបាក់ដល់សង្គមជាតិយើង​ ដែលពុំមែនជាដំណោះស្រាយដ៏ល្អប្រសើរនោះឡើយ៕

@Amapapa.News

Feature Ads