Thursday, January 3, 2019

លួចបាន វាគ្រាន់ លួចគេទាន់ សន្លប់ស្តូក ហើយជាប់គុកទៀត

តាកែវៈ នៅថ្ងៃពុធ ១១ រោច ខែមិគសិរ ឆ្នាំចសំរិទ្ធស័ក ពស ២៥៦២ ត្រូវនឹងថ្ងៃទី ២ ខែមករា ឆ្នាំ២០១៩ វេលាម៉ោង ២០ និង ៣០ នាទី នៅចំណុចហាងលក់ទូរស័ព្ទដៃ ដែលជារបស់ឈ្មោះ សំ ហុន ភេទប្រុស អាយុ ៣២ឆ្នាំ ស្ថិតនៅភូមិ ត្រពាំងកែស ឃុំត្រាំកក់ មានមានជនសង្ស័យ ១ នាក់ឈ្មោះ ជា ទិត្យភេទប្រុស អាយុ ២0ឆ្នាំ រស់នៅភូមិត្រពាំងរុន ឃុំឧត្តមសូរិយា ស្រុកត្រាំកក់ បានធ្វើសកម្មភាព ប្រដាប់ដោយសោ និងកន្ត្រៃ យកទៅកាត់ ជញ្ជាំង ស័ង្កសី ហាងលក់ទូរស័ព្ទរបស់ម្ចាស់ហាងឈ្មោះខាងលើ តែត្រូវប្រជាពលរដ្ឋតាមទាន់ ឃាត់ខ្លួននិងវាយអោយរងរបួសធ្ងន់ សន្លប់ ហើយប្រគល់ជូនសមត្ថកិច្ច ពេលនោះ សមត្ថកិច្ចបានហៅរថយន្តសង្គ្រាះដឹកយកទៅព្យាបាលនៅមន្ទីរពេទ្យបង្អែកខេត្តតាកែវ ។

ឥឡូវដឹងខ្លួនមានសភាព ធម្មតាឡើងវិញហើយ ដោយចាប់យកវត្ថុតាង នៅ និងជនសង្ស័យបានរួមមាន៖ ទូរស័ព្ទដៃ ចំនួន១0 គ្រឿង oppo ០៣គ្រឿង Vivoចំនួន០៦ គ្រឿង Samsung ០១ គ្រឿង កន្រៃ្តកាត់ស័ង្កសី ០១និងសោមួយមួយចំនួន ម៉ូតូមួយគ្រឿង ម៉ាកស្មាស់វី សេរី ២០១៤ ពណ៌ខ្មៅ ស្លាកលេខភ្នំពេញ 1DG 1069 ។

បច្ចុប្បន្ន កម្លាំងជំនាញកំពុងកសាងសំណុំរឿងបញ្ជូនជនសង្ស័យខាងលើទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕

Feature Ads