(ភ្នំពេញ)៖ ហេតុការណ៍មួយបានបង្កឲ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង៧យប់ ថ្ងៃទី ០១ ខែមករា ឆ្នាំ២០១៩ ដែលមានទីតាំងនៅតាមបណ្តោយផ្លូវបេតុងចំណុចក្នុង ផ្ទះសំណាក់បៃតង បន្ទប់លេខ០២ ស្ថិតនៅភូមិ អ័រគីដេ សង្កាត់អូបែកក្អម ខណ្ឌសែនសុខ ក្រុងភ្នំពេញ ដោយជនសង្ស័យម្នាក់បានស្គាល់នារីស្រស់ស្អាតម្នាក់តាមហ្វេសប៊ុកឆាតចុះឆាតឡើងលួមលោមជនរងគ្រោះណាត់ជួបគ្នានៅផ្ទះសំណាក់ខាងលើ ស្រាប់តែនារីរងគ្រោះមកដល់បើកទ្វារចូលស្រាប់ជនសង្ស័យចាប់ច្របាច់កយកកាំបិតភ្ជង់ ប្លន់យកគ្រឿងអលង្ការ និងទូរសព្ទ័សរុបជាទឹកប្រាក់អស់ជាង៣ពាន់ដុល្លាររួចគេចខ្លួនបាត់ស្រមោល។
បេីតាមសម្តីរបស់សមត្ថកិច្ចបានឲ្យដឹងយថា
-ជនរងគ្រោះឈ្មោះ ហួន សុភា ភេទស្រី អាយុ២៤ឆ្នាំ មុខរបរលក់ឥវ៉ាន់ online ស្នាក់នៅ ផ្ទះជួល សង្កាត់កាកាប១ ខណ្ឌពោធិ៍សែនជ័យ ក្រុងភ្នំពេញ។ ចំណែកជនសង្ស័យ ភេទប្រុស មិនស្គាល់អត្តសញ្ញាណនោះទេ។
សំភារៈដែរត្រូវបាត់បង់រួមមាន៖
-ទូរស័ព្ទ iPhone XS Max ០១គ្រឿង
-ខ្សែកចំនួន០១ខ្សែ
-ខ្សែដៃចំនួន០១ខ្សែ
-ជញ្ជៀនពេជ្រ០១វង់
-លុយដុល្លារចំនួន២០០$សរុបជាទឹកប្រាក់អស់ជាង៣ពាន់ដុល្លារ។
តាមសំដីរបស់ជនរងគ្រោះបានប្រាប់ឲ្យដឹងថា គាត់បានស្គាល់គ្នាជាមួយជនសង្ស័យតាមហ្វេសប៊ុកអស់រយះពេលជិត១ខែមកហើយ ហេីយជនសង្ស័យបានឆាតមកជនរងគ្រោះសូមដើរលេងជាមួយញឹកញាប់ណាស់ តែខ្លួនមិនព្រមទៅ ហើយមុនពេលកើតហេតុ ជនសង្ស័យបានឆាតណាត់ជាមួយនារីរងគ្រោះខាងលើ អោយមកជួបគ្នានៅចំណុចផ្ទះសំណាក់បៃតងដោយបានប្រាប់ជនរងគ្រោះថាមកជួបបងបន្តិចមក ចាំបងឲ្យលុយចំនួន១០០ដុល្លារហើយបានប្រាប់ទៀតថា បងមិនធ្វើអីទេ សូមតែអូនមកមួយភ្លេតមក នារីរងគ្រោះលឺដូច្នោះបានឲ្យមិត្តភក្តិជិះម៉ូតូឌុប មកភ្លាម ពេលមកដល់ផ្ទះសំណាក់បៃតងខាងលើជនរងគ្រោះបានដើរចូលទៅបន្ទប់ដែលបានណាត់គ្នាជួប។ ពេលដែលជនរងគ្រោះរុញទ្វារចូលទៅក្នុងបន្ទាប់ស្រាប់តែជនសង្ស័យបានរត់មកចាប់ច្របាច់កជនរងគ្រោះ ហើយយកកូនកាំបិតស្នៀតភ្ជង់ទៅលេីជនរងគ្រោះ ដេីម្បីប្លន់ យកទ្រព្យសម្បត្តិ និងគំរាមថា(បេីង៉ែញហ៊ានស្រែកអញនិងសំលាប់ចោល)។ ខណះនោះជនរងគ្រោះភ័យពេកមិនហ៊ានស្រែក ក៏បណ្ដោយអោយជនសង្ស័យចេញមកក្រៅរួចឡើងជិះម៉ូតូកង់បីគេចខ្លួនទៅបាត់តែម្ដង។
ក្រោយកើតហេតុជនរងគ្រោះត្រូវបានកម្លាំងកងរាជអាវុធហត្ថខណ្ឌសែនសុខនាំខ្លួនទៅដាក់ពាក្យបណ្ដឹងនិងសួរនាំបន្តតដើម្បីឈានទៅកំណត់មុខសញ្ញាជនសង្ស័យដេីម្បីចាប់ខ្លួនមកផ្ដន្ទាទោសទៅតាមផ្លូវច្បាប់៕
រូបដែលជនរងគ្រោះអះអាងថា បានស្គាល់គ្នាតាម Facebook
