Tuesday, January 8, 2019

អីយ៉ា! ផ្ទុះភ្លើងប្រច័ណ្ឌ អ្នកជិតខាងមិនបានដេក ខណៈលោកប្តីចិត្តខ្លាំង ហៅប្រពន្ធដើម និងចុងផឹកស៊ីជុំគ្នា…

អាម៉ាប៉ាប៉ាញ៉ូស

ភ្នំពេញៈ លោកប្តី​ចិត្តខ្លាំង ហៅ​ប្រពន្ធចុង​មក​ផឹកស៊ី​ជាមួយ​ប្រពន្ធដើម​ជុំ​គ្នា ​ស្រាប់តែ​ស្រវឹង​រៀង​ៗ​ខ្លួន កើត​ភ្លើង​ប្រច័ណ្ឌ ធ្វើ​ឲ្យប្រពន្ធដើម​រករឿង​ឈ្លោះប្រកែក​គ្នា ​ផ្អើល​ប្រជាពលរដ្ឋ ​និង​សមត្ថកិច្ច​ចុះ​អន្តរាគមន៍ ​​បង្ក​ឲ្យ​មានការ​ភ្ញាក់ផ្អើល​ឡើង ​កាលពី​វេលា​ម៉ោង​១១​៖​៣០​នាទី​យប់ ​ថ្ងៃ​ទី​៧ ខែមករា ឆ្នាំ​២០១៩ ​មុខ​ផ្ទះ​លេខB3 ផ្លូវ​២៤BT ក្រុម​៤ ភូមិ​ត្នោត​ជ្រុំ សង្កាត់​បឹង​ទំពុន​២ ខណ្ឌមានជ័យ រាជធានីភ្នំពេញ។

សមត្ថកិច្ចបានឲ្យដឹងថា បុរស​ជា​ប្តី​មានឈ្មោះ គឹ​ម ដា​រ៉ា​រឹទ្ធ ភេទ​ប្រុស អាយុ​៣៣​ឆ្នាំ មុខរបរ បុគ្គលិក​ក្រុមហ៊ុន ស្នាក់​នៅផ្ទះ​កើតហេតុ​ខាងលើ ចំណែក​ប្រពន្ធដើម​ដែល​ទើប​នឹង​លែងលះ​គ្នា​បាន​រយៈពេល​កន្លះ​ខែ​ មានឈ្មោះ ចាន់ ថា​វី អាយុ​៣០​ឆ្នាំ មុខរបរ​ បុគ្គលិក​ភោជនីយដ្ឋាន មានកូន​ស្រី​ម្នាក់ អាយុ​៧​ឆ្នាំ រីឯ​​ប្រពន្ធចុង​មិន​បានឲ្យ​ដឹង​ឈ្មោះឡើយ​។

តាម​ប្រភព​ពី​អ្នក​ជិតខាង​ បានឲ្យ​ដឹង​ថា មុន​ពេល​កើតហេតុ គេ​បានឃើញ​ផ្ទះ​ខាងលើ ​បាន​រៀប​ចំ​កម្ម​វី​ធី​ផឹក​ស៊ីនៅមុខ​ផ្ទះ ដោយ​មាន​មនុស្ស​ប្រុស​ស្រី​ជា​ច្រើន​នាក់ចូលរួម​ លុះដល់​វេលា​​កើតហេតុ មិនដឹង​ជា​យ៉ាងម៉េច ក៏​ស្រាប់តែ​មានរឿង​ឈ្លោះប្រកែក​វាយ​គ្នា​ផ្អើល​ឆោឡោ​ប្រជាពលរដ្ឋ​ និង​សមត្ថកិច្ច​ចុះ​អន្តរាគមន៍ ទើប​ដឹង​​ថា មូលហេតុកើតឡើង​ដោយសារ​​ភ្លើង​ប្រច័​ណ្ឌ​ រវាង​ប្រពន្ធចុង ​និង​ប្រពន្ធដើម ព្រមទាំង​បុរស​ជា​ប្តី​ឈ្លោះ​គ្នា​សោះ។

បើ​តាម​សម្ដី​បុរស​ជា​ប្តី ​បានឲ្យ​ដឹង​ថា ​គាត់​នឹង​ប្រពន្ធដើម​ បាន​ចាប់ដៃ​គ្នា​អស់​រយៈពេល​ជិត​១០​ឆ្នាំ​ហើយ មានកូន​ស្រី​ម្នាក់​ អាយុ​៧​ឆ្នាំ ដោយសារ​ការ​រស់នៅ​មិន​ចុះសំរុង​គ្នា​ ក៏​បាន​ផ្តិត​មេដៃ​លែងលះ​គ្នា ​កាល​ពី​ថ្ងៃ​ទី១៨ ខែធ្នូ ឆ្នាំ​២០១៨មកម៉្លេះ។ លុះ​ពេល​លែងលះគ្នា​រួច​​ហើយ ប្រពន្ធដើម​បាន​មក​រស់នៅ​ជុំ​គ្នា​ដដែល ដោយសារ​តែ​អាណិតកូន តែ​​គាត់​គឺ​មាន​ប្រពន្ធចុង​​ម្នាក់​ទៀត​ផងដែរ​។

ប្រភពដដែលបាន​បន្ត​ថា នៅ​យប់​ថ្ងៃ​កើតហេតុ ​គាត់​បាន​រៀបចំ​កម្ម​វី​ធី​ផឹកស៊ី​ជួបជុំ​បងប្អូន​មិត្ត​ភ​ក្តិ​នៅ​មុខ​ផ្ទះ​ ជាមួយ​នឹងប្រពន្ធដើម លុះ​បន្តិច​ក្រោយមក​ប្អូនស្រី​របស់​គាត់​បាន​ឌុ​ប​ប្រពន្ធចុង​របស់​គាត់​មក​​ចូលរួម​​ហូប​ចុក​ផឹកស៊ី​ជាមួយ​គ្នាផងដែរ​ តែ​គាត់​បាន​ប្រាប់​ប្រពន្ធដើម​ហើយ​ថា ​កុំឲ្យរករឿង​គ្នា លុះ​ពេល​ផឹក​ស្រវឹង​រៀងៗខ្លួន ស្រាប់តែ​ប្រពន្ធដើម​កើត​ភ្លើង​ប្រច័​ណ្ឌ​ជាមួយ​ប្រពន្ធចុង ក៏បាន​រករឿង​វាយ​គាត់ និង​ជេរ​គ្នា​ផ្អើល​អ្នក​ជិតខាង​តែ​ម្តង​ទៅ។

ដោយឡែក ​ស្ត្រី​ជា​ប្រពន្ធដើម​វិញ ​មិន​បាន​រៀបរាប់​ប្រាប់ពី​​ដំណើរ​រឿង​នោះទេ​ គឺ​គិតតែ​ពី​ជេរ​ហែក​ហួរអស់​កេ​រ្តិ៍​គ្មាន​សល់​ចន្លោះ​ត្រង់​ណា​នោះ​ទេ ហើយ​ស្ត្រី​ជា​ប្រពន្ធចុង​ ក៏​មិន​បាន​ចេញ​មុខ​មក​ដែរ គឺ​សំងំ​នៅ​ក្នុងផ្ទះ។

ក្រោយ​ពេល​កើតហេតុ ក្រុមអ្នកយកព័ត៌មានស្ទើគ្រប់ស្ថាប័ន​ គឺ​មាន​តែ​ការ​លួងលោម​ឲ្យ​ស្ត្រី​ជា​ប្រពន្ធដើម​ ដែល​​មាន​អាកា​រៈ​ស្រវឹង​ជោក​នោះ​ សម្របសម្រួល​ចូលក្នុង​ផ្ទះ​ដេក ​ដើម្បី​បញ្ចប់រឿង៕

@Amapapa.News

Feature Ads