header ads

Sponsor

អាម៉ាប៉ាប៉ាញ៉ូស

ភ្នំពេញៈ ជនសង្ស័យម្នាក់ ជិះម៉ូតូមកធ្វើសកម្មភាពឆក់កាបូបពីនារីម្នាក់ មិនបានសម្រេច ហើយត្រូវបានប្រជាពលរដ្ឋដេញចាប់បានវាយទ្រោមខ្លួន កាលពីវេលាម៉ោង២៖៣០នាទីរំលងអធ្រាត្រ ឈានចូលថ្ងៃទី៨ ខែមករា ឆ្នាំ២០១៩​ នៅចំណុចគល់ស្ពានអាកាសស្ទឹងមានជ័យ​ តាមបណ្តោយផ្លូវមុនីរ៉េត​ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យមានឈ្មោះ ព្រីង តួ ភេទប្រុស អាយុ២៧ឆ្នាំ មុខរបរ មិនពិតប្រាកដ មានស្រុកកំណើតនៅភូមិ​ទេប ឃុំកោះខែ ស្រុកស្អាង ខេត្តកណ្តាល។

តាមសម្តីជនរងគ្រោះ បានឲ្យដឹងថា​ មុនពេលកើតហេតុ រូបគាត់បានចេញពីធ្វើការជិះម៉ូតូម៉ាកធូដេ​ ពណ៌ក្រហម​ ពាក់ស្លាកលេខ ភ្នំពេញ 1FS 4845 ទៅផ្ទះនៅខាងក្រោយវត្តស្ទឹងមានជ័យ ខណៈមកដល់ចំណុចកើតហេតុ ស្រាប់តែមានជនសង្ស័យម្នាក់ ជិះម៉ូតូម៉ាកយ៉ាម៉ាហា​ អ៊ិចហ្សិចទ័រ​ ពណ៌ខៀវ​ ពាក់ស្លាកលេខ ភ្នំពេញ 1HB-2656 ធ្វើដំណើរមកពីក្រោយ ហើយបានធ្វើសកម្មភាពឆក់កាបូប តែមិនបានសម្រេច ភ្លាមនោះជនសង្ស័យជិះហួសបន្តិច រួចក៏បកមកវិញធាក់ម៉ូតូគាត់ផ្តួលឆក់កាបូប ភ្លាមនោះក៏មានប្រជាពលរដ្ឋដែលនៅក្បែរឃើញទាន់ ក៏ដេញចាប់បានភ្លាមៗតែម្តង។

ក្រោយពេលកើតហេតុ ជនសង្ស័យត្រូវបានសមត្ថកិច្ចនាំយកទៅប៉ុស្តិ៍រដ្ឋបាលបឹងសាឡាង ដើម្បីធ្វើការសាកសួរ ដើម្បីកសាងសំណុំរឿងបញ្ជូនទៅតុលាការចាត់ការនីតិវិធីច្បាប់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post