Tuesday, January 8, 2019

សម្ដេចកិត្តិព្រឹទ្ធបណ្ឌិត ផ្តល់ថវិកាជួយព្យាបាលជំងឺ នាយ សាន ម៉ៅ ដែលកំពុងសង្គ្រោះបន្ទាន់នៅមន្ទីរពេទ្យ ក្នុងប្រទេសថៃ

ភ្នំពេញៈ ដើម្បីជួយសម្រាលថ្លៃព្យាបាលជំងឺរបស់នាយ សាន ម៉ៅ ដែលកំពុងសង្គ្រោះបន្ទាន់នៅមន្ទីរពេទ្យមួយ ស្ថិតក្នុងខេត្តស៊ីសាកេត ប្រទេសថៃ នោះ នៅថ្ងៃអង្គារ ទី ៨ ខែមករា ឆ្នាំ២០១៩ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់ថវិកាជាលើកទី ៣ ជូនដល់តារាកំប្លែងជើងចាស់វ័យ៦០ឆ្នាំរូបនេះ ដែលបានធ្លាក់ខ្លួនឈឺ ជាបន្តបន្ទាប់ដោយសារជំងឺធ្ងន់ធ្ងរជាច្រើនមុខដូចជា​ រលាកទងសួត​ ខ្សោយតំរង់នោមស្រួចស្រាវ(ខូចក្រលៀន)​ លើសសម្ពាធឈាម​ ខ្វះគ្រាប់ឈាមក្រហម​ រលាកថ្លើមប្រភេទសេ​ ខ្សោយបេះដូង​ និងជំងឺទឹកនោមផ្អែម។ 

សូមបញ្ជាក់ផងដែរថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់ឲ្យមន្ត្រីកាកបាទក្រហមកម្ពុជា ចុះសួរសុខទុក្ខពីស្ថានភាពជំងឺ និងផ្តល់អំណោយមនុស្សធម៌ជាថវិកាជូនដល់នាយ សានម៉ៅ ចំនួន ២លើករួចមកហើយ ខណៈដែលនាយ សាន ម៉ៅ បានចូលសង្គ្រោះបន្ទាន់នៅមន្ទីរពេទ្យកាល់ម៉ែត រាជធានីភ្នំពេញ។ ការផ្តល់ថវិកាជូននៅថ្ងៃនេះ គឺជាលើកទី ៣ ហើយសម្រាប់នាយ សានម៉ៅ ៕

Feature Ads