√ វត្ថុសិល្បៈបុរាណខ្មែរព្រះគណេស (អំពីថ្មភក់) បានត្រឡប់មកកម្ពុជាវិញហើយ ក្រោយពីបានបញ្ចប់ការតាំងពិរព័រណ៍ នៅសារមន្ទីរសិល្បៈក្រុងដេនវឺ រដ្ឋកូឡូរ៉ាដូ សហរដ្ឋអាមេរិក

ភ្នំពេញៈ នាព្រឹកថ្ងៃទី២៤ ខែមករា ឆ្នាំ២០១៩ វេលាម៉ោង៨:១៥នាទី លោកវរសេនីយ៍ត្រី អុឹម វណ្ណា នាយរងការិយាល័យគ្រប់គ្រងបញ្ជីសារពើភណ្ឌ នៃនាយកដ្ឋាននគរបាលការពារបេតិកភណ្ឌ បានចូលរួមត្រួតពិនិត្យការបើកកេសវត្ថុសិល្បៈបុរាណខ្មែរព្រះគណេស(អំពីថ្មភក់) ដែលត្រូវបានត្រឡប់មកកម្ពុជាវិញ ក្រោយពីបានបញ្ចប់ការតាំងពិរព័រណ៍ នៅសារមន្ទីរសិល្បៈក្រុងដេនវឺ រដ្ឋកូឡូរ៉ាដូ សហរដ្ឋអាមេរិក ។

ការបើកកេសនេះ ធ្វើឡើងក្រោមការត្រួតពិនិត្យពីគណ:កម្មាធិការអន្តរក្រសួង ដឹកនាំដោយលោក ប្រាក់ សុណ្ណារ៉ា រដ្ឋលេខាធិការក្រសួងវប្បធម៌ និងវិចិត្រសិល្បៈ និងសហការី និងមានការចូលរួមពីភ្នាក់ងារគយ និងរដ្ឋាករការិយាល័យត្រួតពិនិត្យ, មន្ត្រីកាំកុងត្រូល, ប្រធានការិយាល័យសន្តិសុខអាកាសចរស៊ីវិល, តំណាងក្រុមហ៊ុន Thomas International Service Co.,Ltd នៃអាកាសយានដ្ឋានអន្តរជាតិភ្នំពេញ ហើយបានបញ្ចប់នៅវេលាម៉ោង ១០:៣០នាទី នាព្រឹកថ្ងៃដដែល៕