Tuesday, January 29, 2019

ម្យ៉ាងដែរ! ចៅហ្វាយខណ្ឌ​​ប្ញស្សីកែវ បង្ក្រា​បទីតាំងភ្នាល់បាល់តាម internet មុខប៉ុស្តិ៍នគរបាលទួលសង្កែទី១

ភ្នំពេញៈ កម្លាំងគណៈបញ្ជាការឯកភាពខណ្ឌឫស្សីកែវ ដឹកនាំដោយលោកអភិបាលខណ្ឌ ជា ពិសី និងលោកអភិបាលរង ប្រាជ្ញ សីហា ព្រមទាំងមានការចូលរួមពី​លោកអធិការ គុជ លី បានចុះបង្ក្រាបទីតាំងភ្នាល់បាល់តាម internet មួយកន្លែង ទល់មុខប៉ុស្តិ៍នគរបាលទួលសង្កែទី១ ស្ថិតនៅក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។

តាមការបញ្ជាក់ពីលោកអភិបាលខណ្ឌ ជា ពិសី បានប្រាប់ភ្នាក់ងារ CAM POST ឲ្យ​ដឹងថា ការចុះបង្ក្រាបនេះនៅវេលាម៉ោង១១ព្រឹក​ថ្ងៃទី២៨ មករា ២០១៩ ក្នុងនោះលោក ក៏បានធ្វើការដកហូតកុំព្យូទ័រចំនួន១៤គ្រឿង ម៉ូតូ២គ្រឿង និងឃាត់មនុស្សពីរនាក់ ជាន​អ្នកគ្រប់គ្រង។

បន្ទាប់​មកសមត្ថកិច្ចបាននាំខ្លួនអ្នកគ្រប់គ្រងទាំងពីរនាក់ និងសម្ភារដែលដកហូតបាន យកមកអធិការដ្ឋានខណ្ឌប្ញស្សីកែវ ដើម្បីចាត់ការតាមផ្លូវច្បាប់៕

Feature Ads