ភ្នំពេញៈ រោងស្នាក់នៅសង្ក័សីរបស់កម្មករជនជាតិចិនមួយខ្នង នៅក្នុងការដ្ឋានសាងសង់អគារខុនដូ "STAR CITY" ត្រូវបានអគ្គិភ័យលេបត្របាក់អស់ទាំងស្រុង កាលពីវេលាម៉ោង៨យប់ ថ្ងៃពុធ ទី២៣ ខែមករា ឆ្នាំ២០១៩ ត្រង់ចំណុចក្បែរខាងលិចគល់ស្ពានអាកាសផ្សារដើមហ៊ុយ ស្ថិតក្នុងក្រុមទី១ ភូមិទ្រង់មាន់ សង្កាត់អូបែកក្អម ខណ្ឌសែនសុខ ក្រុងភ្នំពេញ។
តាមប្រភពព័ត៌មានពីកម្មករសំណង់ ដែលធ្វើការថែមម៉ោងនៅក្នុងការដ្ឋានខាងលើបានរៀបរាប់ប្រាប់ឲ្យភ្នាក់ងារ ខេមប៉ុស្តិ៍ ដឹងថា មុនពេលកើតហេតុ គេបានលឺសំឡេងផ្ទុះ ចេញមកពីក្នុងបន្ទប់មួយ នៅក្នុងរោងកើតហេតុខាងលើ ខណៈដែលពុំមានកម្មករណាម្នាក់ ស្នាក់នៅខាងក្នុងនោះទេ។ ហើយមួយស្ទុះក្រោយមក ក៏ស្រាប់តែមានផ្សែងហ៊ុយខ្មួលខ្មាញ់លាយឡំនឹងអណ្តាតភ្លើងឆាបឆេះយ៉ាងសន្ធោសន្ធៅ ចេញមកពីបន្ទប់នោះ ទើបបង្កឲ្យមានការភ្ញាក់ផ្អើលដល់កម្មករ ដែលកំពុងធ្វើការ និងកំពុងសម្រាកនៅក្នុងការដ្ឋាននាំគ្នាចូលទៅជញ្ជូនសម្ភារៈមួយចំនួន ដែលនៅក្នុងបន្ទប់ជាប់បន្ទប់ដែលឆេះនោះយកចេញមកខាងក្រៅ។
ប្រភពបន្តថា ភ្លាមនោះក៏មានកម្មករផ្សេងទៀតបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ អស់ជាច្រើនបំពង់ ប៉ុន្តែដោយមិនអាចគ្រប់គ្រងស្ថានការណ៍បាន ក៏បានរាយការណ៍ជូនសមត្ថកិច្ចមូលដ្ឋាន និងរថយន្តពន្លត់អគ្គិភ័យឲ្យចុះមកជួយធ្វើការអន្តរាគមន៍។
បន្ទាប់មកភ្លើងក៏បានឆាបឆេះរាលដាលដល់បន្ទប់ផ្សេងទៀតយ៉ាងសន្ធោសន្ធៅ រួចមកក៏ឃើញមានរថយន្តពន្លត់អគ្គិភ័យបានចុះមកធ្វើការអន្តរាគមន៍បាញ់ជាបន្តបន្ទាប់ចំនួន១៥គ្រឿង តែដោយសារផ្លូវចូលទៅរោងកើតហេតុ មានសភាពតូចចង្អៀត ធ្វើឲ្យពិបាកដល់រថយន្តពន្លត់អគ្គិភ័យចូលទៅបាញ់ពន្លត់ ទើបបណ្តាលអោយភ្លើងកាន់តែឆេះរាលដាលពេញរោងស្នាក់នៅរបស់កម្មករខាងលើទាំងស្រុងតែម្តង។
រហូតដល់ម៉ោង៩យប់ថ្ងៃដដែល ស្ថានភាពភ្លើងត្រូវបានគ្រប់គ្រងបាញ់ពន្លត់ រលត់ជាស្ថាពរ ដោយប្រើប្រាស់ទឹកអស់ចំនួន១៥គ្រឿង ក្នុងនោះមានរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញ ចំនួន៧គ្រឿង រថយន្តពន្លត់អគ្គីភ័យរបស់ទីក្រុងជ្រោយចង្វារចំនួន៥គ្រឿង រថយន្តពន្លត់អគ្គីភ័យរបស់ទីក្រុងកោះពេជ្រចំនួន២គ្រឿង និងរថយន្តពន្លត់អគ្គីភ័យ របស់ក្រុមហ៊ុនស្រាបៀរកម្ពុជា ចំនួន១គ្រឿង។
ក្នុងហេតុការណ៍អគ្គិភ័យខាងលើនេះ មន្ត្រីនគរបាលមួយរូប ក៏បានជួបគ្រោះថ្នាក់ ដោយផ្ទុះធុងហ្គាសខ្ទាតចំស្មងជើង ខណៈកំពុងចូលអន្តរាគមន៍បាញ់ពន្លត់ក្បែរកន្លែង ហើយត្រូវបានបញ្ជូនទៅសង្គ្រោះ និងឲ្យក្រុមគ្រូពេទ្យដេររបួសជិត១០ថ្នេរផងដែរ។
ក្រោយពីទទួលបាលដំណឹងនេះ អាជ្ញាធរខណ្ឌសែនសុខ ដឹកនាំដោយលោក ម៉ូវ ម៉ាណិត អភិបាលខណ្ឌ និងលោក សក់ ច័ន្ទកញ្ញារិទ្ធ អភិបាលរងខណ្ឌ រួមទាំងលោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខ ព្រមទាំងក្រុមការងារ បានអញ្ជើញទៅសាកសួរសុខទុក្ខ និងជួយឧបត្ថម្ភជាថវិកាមួយចំនួន ដើម្បីជាការលើកទឹកចិត្ត និងសម្រួលដល់ការព្យាបាល ព្រមទាំងមានការយកចិត្តទុកដាក់បំផុត ពីសំណាក់ក្រុមគ្រូពេទ្យផងដែរ។
បើតាមប្រភពពីសមត្ថកិច្ចបានអោយដឹងថា នៅក្នុងករណីអគ្គិភ័យខាងលើនេះ គឺបណ្តាលឲ្យឆាបឆេះរោងស្នាក់នៅរបស់កម្មករជនជាតិមួយខ្នង ប្រក់សង្ក័សី ដែលមានត្រាប់អេប៉ុងពីខាងក្នុង (មួយជាន់ មាន១០បន្ទប់) និងមានទំហំសរុប១០ម៉ែត្រគុណនិង២០ម៉ែត្រ រួមទាំងសម្ភារៈមួយចំនួនតូចរងការខូចខាតអស់ទាំងស្រុង។ តាមការសន្និដ្ឋានជាជំហានដំបូង សមត្ថកិច្ចបានឲ្យដឹងថា គឺបណ្ដាលមកពីឆ្លងចរន្តអគ្គិសនី ឆាបឆេះចេញជាអណ្តាតភ្លើង៕
តាមប្រភពព័ត៌មានពីកម្មករសំណង់ ដែលធ្វើការថែមម៉ោងនៅក្នុងការដ្ឋានខាងលើបានរៀបរាប់ប្រាប់ឲ្យភ្នាក់ងារ ខេមប៉ុស្តិ៍ ដឹងថា មុនពេលកើតហេតុ គេបានលឺសំឡេងផ្ទុះ ចេញមកពីក្នុងបន្ទប់មួយ នៅក្នុងរោងកើតហេតុខាងលើ ខណៈដែលពុំមានកម្មករណាម្នាក់ ស្នាក់នៅខាងក្នុងនោះទេ។ ហើយមួយស្ទុះក្រោយមក ក៏ស្រាប់តែមានផ្សែងហ៊ុយខ្មួលខ្មាញ់លាយឡំនឹងអណ្តាតភ្លើងឆាបឆេះយ៉ាងសន្ធោសន្ធៅ ចេញមកពីបន្ទប់នោះ ទើបបង្កឲ្យមានការភ្ញាក់ផ្អើលដល់កម្មករ ដែលកំពុងធ្វើការ និងកំពុងសម្រាកនៅក្នុងការដ្ឋាននាំគ្នាចូលទៅជញ្ជូនសម្ភារៈមួយចំនួន ដែលនៅក្នុងបន្ទប់ជាប់បន្ទប់ដែលឆេះនោះយកចេញមកខាងក្រៅ។
ប្រភពបន្តថា ភ្លាមនោះក៏មានកម្មករផ្សេងទៀតបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ អស់ជាច្រើនបំពង់ ប៉ុន្តែដោយមិនអាចគ្រប់គ្រងស្ថានការណ៍បាន ក៏បានរាយការណ៍ជូនសមត្ថកិច្ចមូលដ្ឋាន និងរថយន្តពន្លត់អគ្គិភ័យឲ្យចុះមកជួយធ្វើការអន្តរាគមន៍។
បន្ទាប់មកភ្លើងក៏បានឆាបឆេះរាលដាលដល់បន្ទប់ផ្សេងទៀតយ៉ាងសន្ធោសន្ធៅ រួចមកក៏ឃើញមានរថយន្តពន្លត់អគ្គិភ័យបានចុះមកធ្វើការអន្តរាគមន៍បាញ់ជាបន្តបន្ទាប់ចំនួន១៥គ្រឿង តែដោយសារផ្លូវចូលទៅរោងកើតហេតុ មានសភាពតូចចង្អៀត ធ្វើឲ្យពិបាកដល់រថយន្តពន្លត់អគ្គិភ័យចូលទៅបាញ់ពន្លត់ ទើបបណ្តាលអោយភ្លើងកាន់តែឆេះរាលដាលពេញរោងស្នាក់នៅរបស់កម្មករខាងលើទាំងស្រុងតែម្តង។
រហូតដល់ម៉ោង៩យប់ថ្ងៃដដែល ស្ថានភាពភ្លើងត្រូវបានគ្រប់គ្រងបាញ់ពន្លត់ រលត់ជាស្ថាពរ ដោយប្រើប្រាស់ទឹកអស់ចំនួន១៥គ្រឿង ក្នុងនោះមានរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញ ចំនួន៧គ្រឿង រថយន្តពន្លត់អគ្គីភ័យរបស់ទីក្រុងជ្រោយចង្វារចំនួន៥គ្រឿង រថយន្តពន្លត់អគ្គីភ័យរបស់ទីក្រុងកោះពេជ្រចំនួន២គ្រឿង និងរថយន្តពន្លត់អគ្គីភ័យ របស់ក្រុមហ៊ុនស្រាបៀរកម្ពុជា ចំនួន១គ្រឿង។
ក្នុងហេតុការណ៍អគ្គិភ័យខាងលើនេះ មន្ត្រីនគរបាលមួយរូប ក៏បានជួបគ្រោះថ្នាក់ ដោយផ្ទុះធុងហ្គាសខ្ទាតចំស្មងជើង ខណៈកំពុងចូលអន្តរាគមន៍បាញ់ពន្លត់ក្បែរកន្លែង ហើយត្រូវបានបញ្ជូនទៅសង្គ្រោះ និងឲ្យក្រុមគ្រូពេទ្យដេររបួសជិត១០ថ្នេរផងដែរ។
ក្រោយពីទទួលបាលដំណឹងនេះ អាជ្ញាធរខណ្ឌសែនសុខ ដឹកនាំដោយលោក ម៉ូវ ម៉ាណិត អភិបាលខណ្ឌ និងលោក សក់ ច័ន្ទកញ្ញារិទ្ធ អភិបាលរងខណ្ឌ រួមទាំងលោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខ ព្រមទាំងក្រុមការងារ បានអញ្ជើញទៅសាកសួរសុខទុក្ខ និងជួយឧបត្ថម្ភជាថវិកាមួយចំនួន ដើម្បីជាការលើកទឹកចិត្ត និងសម្រួលដល់ការព្យាបាល ព្រមទាំងមានការយកចិត្តទុកដាក់បំផុត ពីសំណាក់ក្រុមគ្រូពេទ្យផងដែរ។
បើតាមប្រភពពីសមត្ថកិច្ចបានអោយដឹងថា នៅក្នុងករណីអគ្គិភ័យខាងលើនេះ គឺបណ្តាលឲ្យឆាបឆេះរោងស្នាក់នៅរបស់កម្មករជនជាតិមួយខ្នង ប្រក់សង្ក័សី ដែលមានត្រាប់អេប៉ុងពីខាងក្នុង (មួយជាន់ មាន១០បន្ទប់) និងមានទំហំសរុប១០ម៉ែត្រគុណនិង២០ម៉ែត្រ រួមទាំងសម្ភារៈមួយចំនួនតូចរងការខូចខាតអស់ទាំងស្រុង។ តាមការសន្និដ្ឋានជាជំហានដំបូង សមត្ថកិច្ចបានឲ្យដឹងថា គឺបណ្ដាលមកពីឆ្លងចរន្តអគ្គិសនី ឆាបឆេះចេញជាអណ្តាតភ្លើង៕