Friday, February 8, 2019

ត្រឹមមួយខែ ដើមឆ្នាំ២០១៩ ក្រសួង​សាធារណការ​ ចាប់ផាករថយន្ត​ដឹក​លើស​ទម្ងន់​​បាន​ជាង​១៣ម៉ឺនដុល្លារ

បើតាម​របាយការណ៍តាមហ្វេសប៊ុករបស់ក្រសួងសាធារណការនៅថ្ងៃទី៧ ខែកុម្ភៈនេះបានឲ្យដឹងថា ​​ខែ​មករា​នៃដើមឆ្នាំ​២០១៩នេះ​ ក្រុម​ការងាររបស់​ក្រសួង​បាន​ចាប់​​ផាករថយន្ត​ដែល​ដឹក​លើស​ទម្ងន់​ បាន​ចំនួន​២១៥​គ្រឿង ក្នុងនោះគឺមានការដឹក​លើស​ពី​៥​រហូត​ដល់​ ៣២​តោន ហើយបាន​ពិន័យ​គិតជា​ប្រាក់​បាន​ចំនួន​ ៥៣១លាន​ និង ​៩​សែន​រៀល ​ស្មើ​នឹង​ជាង​១៣ម៉ឺនដុល្លារ​អាមេរិក។

សូមជម្រាបជូនថា ​របាយការណ៍​កាលពីឆ្នាំ​២០១៨​កន្លង​ទៅ មន្ត្រី​ក្រសួង​បាន​​ចុះ​ចាប់​រថយន្ត​ដឹក​លើស​ទម្ងន់​បាន​ជាង​២៦០០គ្រឿង និង​ផាក​ពិន័យ​ជា​ប្រាក់​បាន​ជាង​១លាន៥សែនដុល្លារអាមេរិក ៕

Feature Ads