Saturday, February 2, 2019

លោកអភិបាលក្រុងស្វាយរុៀង បានចុះត្រួតពិនិត្យមើលប្រព័ន្ធទឹកការពារអគ្គីភ័យ នៅផ្សារវាលយន្ត

(ស្វាយរៀង)៖ លោកណុប ចំរើន អភិបាលក្រុងស្វាយរុៀង បានចុះត្រួតពិនិត្យប្រព័ន្ធការពារអគ្គីភ័យ នៅផ្សារវាលយន្ត ដើម្បីត្រៀមលក្ខណះបង្កាការពារអគ្គីភ័យកើតឡើងជាយថាហេតុ នៅរដូវរាំងស្ងួតនេះ នៅល្ងាចថ្ងៃទី០១ ខែកុម្ភៈ ឆ្នាំ២០១៩ និងមានការចូលរួមពី  ក្រុមការងាររៀបចំសណ្ដាប់ធ្នាប់ក្រុង លោកអធិការនគរបាលក្រុង លោកមេបញ្ជាការកងរាជអាវុធហត្ថក្រុង លោកប្រធានរដ្ឋាករទឹកក្រុង ក្រុមប្រឹក្សាសង្កាត់ស្វាយរៀង ។ លោកអភិបាលក្រុង ក៏បានណែនាំអោយបងប្អូនអាជីវករទាំងអស់ ត្រូវមានការប្រុងប្រយ័ត្នភ្លើងទៀន ធូប នាថ្ងៃបុណ្យចូលឆ្នាំចិន និងចូលរួមថែទាំប្រព័ន្ធទឹកការពារអគ្គីភ័យនេះទាំងអស់គ្នា ។

ប្រព័ន្ធទឹកការពារអគ្គីភ័យនៅបរិវេណផ្សារវាលយន្ត បានផ្តួចផ្ដើមសាងសង់ឡើងដោយឯកឧត្តម ឌី វិជ្ជា និងលោកជំទាវ ហ៊ុន ម៉ាណា ដែលបានរៀបចំសាងសង់ឡើងកាលពីថ្ងៃទី១៧ ខែកក្កដា ឆ្នាំ២០១៥ ដោយអង្គភាពរដ្ឋាករទឹកខេត្ត ជាអ្នកម៉ៅការធ្វើរហូតដល់រួចរាល់ និងបានរៀបចំពិធីក្រុងពាលីក្រោមអធិបតីភាព ឯកឧត្តម ឌី វិជ្ជា និងឯកឧត្តម ម៉ែន វិបុល អភិបាលខេត្ត និងមានការចូលរួមពីអាជ្ញាធរពាក់ព័ន្ធជាច្រើនរូបទៀត ។

អាជីវករផ្សារវាលយន្តបានថ្លែងអំណរគុណយ៉ាងជ្រាលជ្រៅជូនចំពោះឯកឧត្តម ឌី វិជ្ជា និងលោកជំទាវ ព្រមទាំងឯកឧត្តម ម៉ែន វិបុល អភិបាលខេត្ត និងថ្នាក់ដឹកនាំខេត្តទាំងអស់ ដែលបានចំណាយថវិកាផ្ទាល់ខ្លួនរៀបចំធ្វើប្រព័ន្ធទឹកការពារអគ្គីភ័យនៅផ្សារវាលយន្ត នេះឡើងទុកឲ្យអាជីវករ និងប្រជាពលរដ្ឋប្រើប្រាស់ពេលមានអគ្គីភ័យកើតឡើងជាយថាហេតុដោយឥតគិតថ្លៃ ៕ ដោយ៖ស្វាយរៀង

Feature Ads