Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ស្រីស្អាត រត់មកប្ដឹងសមត្ថកិច្ចប៉ុស្តិ៍ទន្លេបាសាក់ទាំងយប់ បន្ទាប់ពីលោក​ចោរ​លួចកាច់ក ​យកម៉ូតូ​ Let's​ មួយគ្រឿង​ទៅបាត់

អានផ្សេងទៀត

ភ្នំពេញៈ ជនមិនស្គាល់មុខ បាន​ធ្វើសកម្មភាពលួចកាច់សោក​ យកម៉ូតូ Suzuki Let's​ មួយគ្រឿង​ បានសម្រេច រួចជិះគេចខ្លួនបាត់ស្រមោល ក្រោយពី​នារីរូបស្រស់ជាម្ចាស់ម៉ូតូ ជិះចេញមកពីធ្វើ​ការរួចទុកម៉ូតូ​ នៅចំណុចមាត់ច្រកចេញចូលជាន់ផ្ទាល់ដី រួចយកស្បែកជើ​ង​ឡើងទៅអោយមិត្តភ័ក្តិ​នៅលើ​ផ្ទះមួយកន្លែង លុះពេលចុះមកវិញ​ ទើ​បផ្អើ​លឆោឡោឡើង​ថា បាត់ម៉ូតូ​ ទើ​បហៅម៉ូតូឌុបជូនទៅដាក់ពាក្យណ្ដឹងនៅប៉ុស្តិ៍នគរបាលទន្លេបាសាក់។

ហេតុការណ៍នេះ បានកើ​តឡើ​ង កាលពី​វេលាម៉ោង១២៖១៥នាទីរំលងអធ្រាត្រ​ ឈានចូលថ្ងៃសៅរិ៍​ ទី២ ខែកុម្ភៈ​ ឆ្នាំ២០១៩ នៅត្រង់ចំណុចផ្ទះលេខ៣ (ទល់មុខផ្សារទំនើ​បអ៊ីអន១​ ក្រោយធនាគារABC) ផ្លូវបេតុងកែងផ្លូវព្រះសុធារស ក្រុមទី៤០ ភូមិ៨ សង្កាត់ទន្លេបាសាក់​ ខណ្ឌចំការមន​ រាជធានីភ្នំពេញ​។

បើ​តាមសម្ដីនារីរងគ្រោះឈ្មោះ លីលី អាយុ៣២ឆ្នាំ មុខរបរបុគ្គលិក​ណាហ្គាវើល​ (NAGA World) ស្នាក់នៅក្នុងរាជធានីភ្នំពេញ បានរៀបរាប់ប្រាប់ឲ្យភ្នាក់ងារ “ខេមប៉ុស្តិ៍” ​ឲ្យ​ដឹងថា​ មុនកើ​តហេតុ​ រូបនាងបានជិះម៉ូតូមួយគ្រឿង ម៉ាក Suzuki Let's ពណ៌ស​ ពាក់ស្លាកលេខភ្នំពេញ​ 1FG-4588 ចេញពីធ្វើ​ការនៅ​ណាហ្គាវើល​ ហើ​យយកស្បែកជើ​ង​មកអោយមិត្តភ័ក្តិ​របស់នាង​ ដែលស្នាក់នៅផ្ទះជាន់លើ​ជាចំណុច​កន្លែងកើ​តហេតុ ហើ​យបានទុកម៉ូតូ​នៅចំណុចមាត់ច្រកចេញចូលជាន់ផ្ទាល់ដី ដោយបានចាក់សោក ជាប់ត្រឹមត្រូវ​ រួចហើ​យយកស្បែកជើ​ងឡើ​ងទៅឲ្យ​មិត្តភ័ក្តិ​របស់នាង​ នៅជាន់ខាងលើ​​ មួយសន្ទុះក្រោយមក​ រូបនាងក៏បានចុះមកជាន់ក្រោមវិញ លុះពេលចុះមកវិញ​ មិនឃើ​ញម៉ូតូ​របស់ខ្លួន​ ទើ​បប្រញាប់សួរមើ​លអ្នកជិតនោះដែរ​ តែគេប្រាប់ថា ទើ​បឃើ​ញម៉ូតូ Suzuki Let's ជិះចេញទៅមុននេះដែរ​ តែមិនចាំថា ជិះប៉ុន្មាននាក់ទេ​ ទើ​បដឹងថា​មានជនមិនស្គាល់មុខ​ មកធ្វើសកម្មភាពលួចកាច់សោ.ក​ យកម៉ូតូរបស់ខ្លួន​ជិះទៅបាត់ហើ​យ​ ទើ​បរូបនាងរកអ្នកនៅជិតនោះជួយជូនទៅដាក់ពាក្យណ្ដឹងនៅប៉ុស្តិ៍នគរបាលទន្លេបាសាក់។

បន្ទាប់មកនារីរងគ្រោះ​ បានទៅដាក់ពាក្យបណ្ដឹងនៅប៉ុស្តិ៍នគរបាលទន្លេបាសាក់​ នៃអធិការដ្ឋាននគរបាលខណ្ឌចំការមន ដើ​ម្បីអោយជួយស្រាវជ្រាវ​ តាមចាប់ជនសង្ស័យយក​មក​ផ្ដន្ទាទោស​តាមផ្លូវច្បាប់។

ក្រោយពីទទួលពាក្យបណ្ដឹងរួចហើ​យ សមត្ថកិច្ចនាំនារីរងគ្រោះទៅចង្អុលកន្លែងកើ​តហេតុ​ រួចអនុញ្ញា​ឲ្យត្រឡប់ទៅផ្ទះវិញ​ ទុកឲ្យសមត្ថកិច្ចធ្វើ​ការស្រាវជ្រាវកំណត់មុខសញ្ញា ដើ​ម្បីស្វែងរកចាប់ខ្លួនជនសង្ស័យ យកមកផ្ដន្ទាទោសតាមច្បាប់​៕

Sponsor