Thursday, February 7, 2019

អគ្គិភ័យ​ឆាបឆេះ ផ្ទះ​ពលរដ្ឋ​យ៉ាងសន្ធោសន្ធៅ​ នៅស្រុកមេមត់​

ត្បូងឃ្មុំៈ នៅព្រឹកថ្ងៃទី៣​ នៃពិធីបុណ្យចូលឆ្នាំប្រពៃណីចិន-វៀតណាម​ មានសេចក្ដីរាយការណ៍បឋមពីក្រុមការងារ​ ខេមប៉ុស្តិ៍​ បានឲ្យ​ដឹងថា​ មុននេះបន្តិច​ មានអគ្គិភ័យមួយបានឆាបឆេះផ្ទះប្រជាពលរដ្ឋយ៉ាងសន្ធោរសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋនាំគ្នារត់មកជួយពន្លត់ និងរាយការណ៍ប្រាប់សមត្ថកិច្ច​ទាក់ទង​រថយន្តពន្លត់អគ្គិភ័យ​ជាច្រើ​នគ្រឿង​ ចេញអន្តរាគមន៍​បាញ់ពន្លត់​ ។

ហេតុការណ៍អគ្គិភ័យខាងលើនេះ បានឆាបឆេះឡើងនៅវេលាម៉ោង៩៖៣៥នាទីព្រឹក ថ្ងៃព្រហស្បតិ៍​​ ទី៧ ខែធ្នូ​ ឆ្នាំ២០១៩ នៅភូមិជាំទ្រៀក ឃុំត្រមូង ស្រុកមេមត់​ ខេត្តត្បូងឃ្មុំ​។

ចំពោះមូលហេតុ​ សមត្ថកិច្ចមិនទាន់អាចបញ្ជាក់ឲ្យ​ដឹងនៅឡើ​យទេ ខណៈកម្លាំងសមត្ថកិច្ចដឹកនាំដោយ​លោក​អធិការស្រុកមេមត់​ កំពុងសហការជាមួយក្រុមពន្លត់អគ្គិភ័យ​ ដើ​ម្បីជួយអន្តរាគមន៍បាញ់ពន្លត់។

ព័ត៌មានពិស្ដារក្រុមការងារអង្គភាពសារព័ត៌មាន​ ខេមប៉ុស្តិ៍​​ នឹងជម្រាបជូនពេលក្រោយ៖

Feature Ads