Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

ឧកញ៉ាក្លែងក្លាយ សមត្ថកិច្ចឃាត់ខ្លួន រឿងលុយ៣០ម៉ឺនដុល្លារ នៅស្រុកឧដុង្គ មានអ្នក​ប្រុងរត់ការដោះលែងហើយ

អានផ្សេងទៀត

កំពង់ស្ពឺៈ បន្ទាប់ពីព្រះរាជអាជ្ញារងចេញដីកាបង្គាប់ឲ្យ​កម្លាំង​សមត្ថកិច្ចឃាត់ខ្លួនឧកញ៉ាក្លែងក្លាយ ពីបទរំលោភលើទំនុកចិត្តរួចមក ស្រាប់តែពេលថ្មីៗនេះ បែកធ្លាយព័​ត៌មានមកថា មានអ្នកកំពុងរត់ការសុំអោយឧកញ៉ាកែងក្លាយបាននៅក្រៅឃុំ ខណៈមិនទាន់សងលុយ និងដីដល់ម្ចាស់បណ្តឹងនៅឡើយ។ ក្រុមអ្នករត់ការទាំងនោះ ត្រូវបានគេដឹងថា ម្នាក់ជាក្រុមប្រឹក្សាស្រុក និងអធិការរងស្រុកឧដុង្គ ហើយម្នាក់ទៀតជាយោធាផ្កាយ៣។

ប្រភពពីមន្ត្រីតុលាការមួយរូបបង្ហើបក្នុងលក្ខខណ្ឌមិនបញ្ចេញឈ្មោះ បានអោយដឹងថា បន្ទាប់តំណាងអយ្យការឃាត់ខ្លួ​នជនសង្ស័យយកទៅដាក់ក្នុងពន្ឋនាគារមិនបានប៉ុន្មានថ្ងៃផង ស្រាប់តែក្រុមនុស្សទាំង៣នាក់ខាងលើ បានរត់ការខ្វាត់ខ្វែងជាមួយចៅក្រម ដើម្បីអោយជនសង្ស័យបានរួចពីការជាប់ឃុំ។

ប្រភពបន្តថា ក្រោយពីអធិការរងស្រុកឧដុង្គ និងគូកនបានចេញចូលជួបខាងតុលារការ ស្រាប់តែចៅក្រម​ប្រុងដោះលែងអោយនៅក្រៅឃុំ តែដោយសារពលរដ្ឋ​គ្រោះ(ម្ចាស់ដីនិងលុយ)ដឹងរឿងហើយ គ្រោងនាំគ្នាប្រុងឡើ​ងមកតុលាការលោ​កចៅក្រមក៏ផ្អាកដំណើរការតែម្តង។

ដោយឡែកតាមប្រភពពីមន្ត្រីនគរបាលស្រុកឧដុង្គឯណោះវិញ បានបង្ហើបផងដែរថា តាមអ្វីដែលពលរដ្ឋនិយាយបើខាងតុលាការដោះលែងជនសង្ស័យក៏លែងទៅតែសុំអោយជនសង្ស័យសងលុយ និងដីមកពួកគាត់ជាមុនសិន។

ក្នុងនោះផងដែរ​ តំណាងឈ្មោះ​ លី​ ជុន​ បានទាមទារ​អោយ​ជនសង្ស័យ សូ សារឹម ដោះស្រាយ​ដី ដែលខ្វះ​ជិត​២​ហិចតា​មកខ្លួន ព្រោះ​លុយបានប្រគល់គ្រប់អស់ហើយ(ត្រូវតែប្រគល់ដីគ្រប់ចំនួនតាមកិច្ចសន្សា​លក់ទិញ​និងប្លង់ដែលចេញ ដោយអាជ្ញាធរឃុំ​ ស្រុក)។

ប្រភពបន្តថា ដោយឡែកម្ចាស់ដី​​ ដែលរងគ្រោះត្រូវឈ្មោះ សូ សារឹម លួចដីលក់មានម្ចាស់ឈ្មោះ តា​ ណយ​ ទទួល​បានលុយកក់​១ម៉ឺនដុល្លារ​ ដីទំហំជិត​ ១ហិក​តា​ និងឈ្មោះ​ ឌុល​ សត​ ដីជិត​ ១ហិកតា មិនទាន់ព្រមព្រៀងគ្នាទេ​ តែ សូ​ សារឹម​ ចុះវាស់វែងលើ​ដីគាត់​ (ដាក់ក្នុងប្លង់រួច)លក់អោយ​ លី​ ជុន​ ។ ក្នុងនោះម្ចាស់ដី​៣​នាក់ទៀត ​អ្នកលក់ដី​អោយ សូ សារឹម​ រួចរាល់ តែឈ្មោះ សូ សារឹម នៅខ្វះលុយសរុប​ជាង​ ២​ ម៉ឺ​នដុល្លារទៀត ដោយឡែក តា ណយ​ គិតទៅលុយខ្វះជាង​៤​ ម៉ឺ​នដុល្លារ​ទៀត ចំណែកឈ្មោះ ឌុល សត​ មិនបានលក់ដីអោយ សូ សារឹមនោះទេ តែលួចដីគេចុះបញ្ជី​ (ធ្វើប្លង់)ហើយយកដីគេទៅលក់។ និយាយសរុបទៅករណីនេះ គឺគេឃុបឃិតគ្នាជាប្រព័ន្ធតែម្តង ព្រោះការធ្វើប្លង់ទទួលស្គាល់ ដោយជំនាញនិងអាជ្ញាធរគ្រប់លំដាប់ថ្នាក់តែម្តង។

ពលរដ្ឋ​នៅឃុំព្រះស្រែជាច្រើន បានលើកឡើងថា ជំនាញនិងអាជ្ញាធរពាក់ព័ន្ធ​ធ្វើការទាំងងងើល និយាយរួម មិនបានចុះពិនិត្យទីតាំង និងស្រាវជ្រាវអោយបានល្អិតល្អន់នោះទេ គឺធ្វើការលើលុយលើក្រដាសតែម្តង។ មានការលើកឡើងទៀតថា មូលហេតុដែលអស់លោកជំនាញ និងអាជ្ញាធរឃុំស្រុក មិនបានពិនិត្យឯកសារអោយបានល្អិតល្អន់ ដោយសារតែឯកសារទាំងនោះ មានក្រុមប្រឹក្សាស្រុក ដែលមានសម្ព័ន្ឋភាពស្អិតរមួតជាមួយ សូ សារឹម ម្នាក់ជាអ្នករត់ការ ទើបរឿងដំណើរការដោយរលូនបែបនេះ។

ប្រភពក្រៅផ្លូវការមួយទៀត បានបង្ហើបថា ក្រុមអ្នករត់ការ​ ជាមួយតុលាការ ដើម្បីអោយឈ្មោះ សូ សារឹម បាននៅក្រៅឃុំមានអធិការង​ស្រុក​ឧដុង្គ​ម្នាក់ឈ្មោះ លី​ ហៅ​ អូឡាឡា និងយោធា​ ផ្កាយបីម្នាក់ទៀត​ មិនស្គាល់ឈ្មោះ ក្នុងនោះនៅ ក្រុមប្រឹក្សា​ស្រុកឈ្មោះ លិន ជាអ្នក នៅពីក្រោយអូឡាឡា។

សូមរំលឹកថា បុរសម្នាក់ ដែលមនុស្សជាច្រើនក្នុងតំបន់ និងអាជ្ញាធរគ្រប់លំដាប់ថ្នាក់ស្គាល់ថា អ្នកគក់​ជេរដី​ ដ៏ល្បីឈ្មោះក្នុង​​ស្រុកឧដុង្គ ខេត្តកំពង់ស្ពឺ ត្រូវបានសមត្ថកិច្ចឃាត់ខ្លួ​នតាមអំណាចដីកាបញ្ជាឲ្យ​ចូលខ្លួនរបស់តំណាងអយ្យ​ការ ពីបទរំលោភលើទំនុកចិត្ត។ ការឃាត់ខ្លួននេះធ្វើឡើង ដោយកម្លាំងនគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តកំ​ពង់ស្ពឺ។

ជនសង្ស័យ ដែលតាំងខ្លួនជាឧកញ៉ា ត្រូវបានស្គាល់ឈ្មោះ​ សូ សារឹម ភេទប្រុស អាយុ៤១ឆ្នាំ រស់នៅភូមិអង្គ្រង ឃុំព្រះស្រែ ស្រុកឧដុង្គ ខេត្តកំពង់ស្ពឺ។

​លោកវរសេនីយ៍ឯក សម សាក់ នាយការិយាល័យព្រហ្មទណ្ឌកំរឹតធ្ងន់ខេត្ត ​បានឲ្យ​ដឹងថា ការឃាត់ខ្លួនជនសង្ស័យខាងលើនេះ​​ បាន​ធ្វើឡើង​កាលពីថ្ងៃទី៧ ខែកុម្ភៈ ឆ្នាំ២០១៩ នៅចំណុចហាងកា​​ហ្វេមួយកន្លែង ស្ថិតនៅតាមបណ្តោយផ្លូវលេខ៥១ ភូមិបែកថ្លាង​ ​ឃុំទំនប់ធំ ស្រុកពញាឮ ខេត្តកណ្តាល។

លោកនាយការិយាល័យបន្តថា ការឃាត់ខ្លួននេះ ធ្វើឡើងតាមដីកាបង្គាប់ឲ្យចូលខ្លួនរបស់លោក ខៃ សម្ផ​ស្ស ព្រះរាជអាជ្ញារង អមសាលាដំបូងខេត្តកំ​ពង់ស្ពឺ ពាក់ព័ន្ធសំណុំរឿងរំលោភលើទំនុក​ចិត្ត ចុះថ្ងៃទី២២ ខែមករា ឆ្នាំ២០១៩ ដែលជនសង្ស័​យបា​នប្រព្រឹត្ត កាលពីថ្ងៃទី៨ ខែមិថុនា ឆ្នាំ២០១៨ នៅភូមិរំលេច ​និងនៅ​ភូមិតារា ឃុំព្រះស្រែ ស្រុកឧដុង្គ ខេត្តកំពង់ស្ពឺ។

ជនសង្ស័យឈ្មោះ សូ សារឹម ជាអ្នករកស៊ីគក់ជេ​ដីរូបនេះ ត្រូវប្រជាពលរដ្ឋក្នុងមូល​ដ្ឋានក៏ដូចជាអាជ្ញាធរមួយចំនួនគោរពកោតក្រែងឥតឧបមា ដោយសារតែជននេះបានអួត និងអះអាងថាខ្លួនមានងា​រជា​ឧកញ៉ា តែការអួតរបស់បុគ្គលម្នាក់នេះ គេមិនដែលបានបង្ហាញឲ្យពលរដ្ឋឃើញ ព្រះរាជក្រឹត្យតែងតាំងងារជាឧកញ៉ាម្តងណាឡើយ។

បើតាមប្រភពពីពលរដ្ឋរស់នៅស្រុកឧដ្តុ​ង្គ បានបង្ហើបថា ឧកញ៉ាក្លែងក្លាយម្នាក់នេះក្រៅពីសំណុំរឿង ដែលសមត្ថកិច្ចកំពុងចាប់ខ្លួនជនសង្ស័យរូបនេះ ក៏នៅមានរឿងទិញដីប្រជាពលរដ្ឋក្នុងមូ​លដ្ឋា​ន ​ឃុំព្រះស្រែ ដោយគេចវេសមិនព្រមប្រគល់លុយឲ្យម្ចាស់ដី ហើយយកដីពលរដ្ឋទៅលក់បន្តជាច្រើនលើកច្រើនសារដោយឃុបឃិតគ្នាជាប្រព័ន្ឋលក់ដីរបស់អ្នកដទៃ និងមានអាជ្ញាធរមូលដ្ឋាន និងក្រុមប្រឹក្សាស្រុកមួយចំនួន ក៏មានការជាប់ពាក់ព័ន្ធ ក្នុងករណីនេះដែរ។

លោក សម សាក់ បានបញ្ជាក់នៅល្ងាចថ្ងៃទី៨ ខែកុម្ភៈ ឆ្នាំ២០១៩កន្លងទៅ ថា ក្រោយឃាត់ខ្លួនឧកញ៉ាប៉មរូបនេះ សមត្ថកិច្ចបានធ្វើការសាកសួរ និ​ង​កសាងសំណុំរឿងបញ្ជូនទៅតំណាងអយ្យ​ការហើយនាំយកទៅឃុំខ្លួននៅពន្ឋនាគារ ដើម្បីរង់ចាំចាត់ការ​តាមច្បាប់នៅពេលក្រោយ៕ ផ្ដល់សិទិ្ធដោយ campost.news
Sponsor