អានផ្សេងទៀត
(ស្វាយរៀង)៖ កងទ័ពការពារព្រំដែនប្រទេសវៀតណាមឃាត់ខ្លួនស្ត្រីជនជាតិវៀតណាមម្នាក់ និងសហកាជាមួយសមត្ថកិច្ចកម្ពុជា រកឃើញថ្នាំញៀនជិត៧គីឡូក្រាម ។ ករណីបង្ក្រាបនេះធ្វើឡើងនៅវេលាម៉ោង១៩.០០ យប់ថ្ងៃទី ២៧ ខែ កុម្ភៈ ឆ្នាំ ២០១៩ ក្រោយពីកម្លាំងសមត្ថកិច្ចនគរបាលខេត្តស្វាយរៀង បានទទួលព័ត៌មានពីភាគីវៀតណាមថា កាលពីវេលាម៉ោង១៣ៈ៣០នាទី នៅចំណុចប៉ុស្តិព្រំដែនមីវីតីស្រុកឌឹវ៉េ ខេត្តឡុងអានប្រទេសវៀតណា មកម្លាំងកងទព័ការពារព្រំដែនខេត្តឡុងអាន បានធ្វើការបង្ក្រាបមុខសញ្ញាជួញដូរគ្រឿងញៀនឆ្លងដែនខុសច្បាប់បានចំនួន១នាក់ មានឈ្មោះ ហ្វែង ថាន់ងុក ភេទ ស្រី អាយុ ២៨ ឆ្នាំ ជនជាតិវៀតណាម ទីកន្លែងកំណើតភូមិ៥ ឃំុ មីវីតី ស្រុក ឌឹកវ៉េ ខេត្តឡុងអានប្រទេសវៀតណាម បច្ចុប្បន្នស្នាក់នៅផ្ទះជួលនៅភូមិ ចេក ឃំុ សំរោង ស្រុក ចន្រ្ទា ខេត្តស្វាយរៀង ដោយរឹបអូសថ្នាំញៀនទម្ងន់៤,៣០ Kg ហើយភាគីវៀតណាមបានស្នើខាងកម្ពុជាសហការឆែកឆេរផ្ទះជួលរបស់ជនសង្សយ័លើក្នុងទឹកដីប្រទេសកម្ពុជា ។យោងសមត្ថកិច្ចបានអោយដឹងថា៖ ក្រោយពីទទួលបានពត៏មានខាងលើនោះកម្លាំងអធិការដ្ឋាននគរបាលស្រុកចន្ទ្រា សហការជាមួយកម្លាំងជំនាញការិយាលយ័ប្រឆាំងគ្រឿងញៀនខេត្តស្វាយរៀង កម្លាំងប៉ុស្តិ៍ច្រកទ្វេភាគីសំរោង កម្លាំងវរះសេនាតូចការពារព្រំដែនលេខ៦០៩ និងក្រោមការដឹកនាំសម្របសម្រួលផ្ទាល់ពីលោកព្រះរាជអាជ្ញាអមសាលាដំបូងខេត្តស្វាយរៀង នៅវេលាម៉ោង២០.៣០ បានធ្វើការឆែកឆេរបន្ទប់ជួលរបស់ឈ្មោះ ហ្វែង ថាន់ងុក នៅភូមិ ចេក ឃំុ សំរោង ស្រុក ចន្រ្ទា ខេត្តស្វាយរៀង រកឃើញថ្នាំញៀនប្រភេទម៉ាទឹកកកចំនួន ០២កញ្ចប់(ធំ) ទម្ងន់ ២,០៥ គីឡូក្រាមបន្ថែមទៀត ។
បច្ចុប្បន្ននេះជនសង្ស័យត្រូវបានឃាត់ខ្លួនដោយសមត្ថិច្ចវៀតណាម រីឯវត្ថុតាងថ្នាំញៀនចំនួន០២កញ្ចប់ធំទម្ងន់២,០៥គីឡូក្រាម ដែលឆែកឆេររកឃើញត្រូវបានរឹបអូស និងបញ្ជូនមកការិយាលយ័ប្រឆាំងគ្រឿងញៀនតាមបញ្ជារបស់លោកព្រះរាជអាជ្ញា ដើម្បីធ្វើការស្រាវជ្រាវ និងបំពេញសំណំុរឿងចាត់ការតាមនិតិវិធីច្បាប់ ៕ ដោយ៖ស្វាយរៀង
