Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

សម្ដេចតេជោ​ អំពាវនាវ​ឲ្យពលរដ្ឋប្រុងប្រយ័ត្នពេលអុជធូប​ ទៀន និងដុតក្រដាសសែន នាឱកាសចូលឆ្នាំចិន

អានផ្សេងទៀត

ភ្នំពេញៈ សម្ដេច​តេជោ​ ហ៊ុន​ សែ​ន​ នាយករដ្ឋមន្ដ្រី​កម្ពុជា​ បានអំពាវនាវទៅដល់ប្រជាពលរដ្ឋត្រូវប្រុងប្រយ័ត្នខ្ពស់ ក្នុងពេលអុជធូបទៀន និងដុតក្រដាសសែន នៅក្នុងឱកាសបុណ្យចូលឆ្នាំចិន​។

យោងតាមគេហទំព័រហ្វេសប៊ុករបស់​សម្ដេចតេជោ​ ហ៊ុន​ សែ​ន​ នៅថ្ងៃទី​១​ ខែកុម្ភៈ​ ឆ្នាំ២០១៩​នេះ​ បានឲ្យដឹងថា ថ្ងៃចូលឆ្នាំចិនក៏កាន់តែកៀក បងប្អូនខ្មែរ-ចិន រួមទាំងពលរដ្ឋខ្មែរមួយភាគធំក៏បានត្រៀមរៀបសម្ភារៈ ចំណីចំណុក ម្ហូបអាហារ និងអាំងប៉ាវ ដើម្បីអបអសាទរឆ្នាំថ្មី ស្របពេលដែលស្ថានភាពប្រទេសជាតិកំពុងមានសុខសន្តិភាពល្អប្រសើរ។

សម្ដេចតេជោ​ បន្ដថា​ គ្មានអ្វីដែលធ្វើអោយពលរដ្ឋមានកង្វល់ ឬព្រួយបារម្ភឡើយ ក្រៅតែពីការត្រៀមរៀបចំពិធីអបអរសាទ និងជួបជុំសប្បាយរីករាយជាមួយក្រុមគ្រួសារ។

សម្ដេចតេជោ​ ថា​ "សូមបងប្អូនមានការប្រុងប្រយ័ត្នខ្ពស់ ក្នុងពេលអុជធូប ទៀន និងដុតក្រដាសសែន ចៀសវាងអគ្គិ​ភ័យ ដែលអាចកើតមានឡើងដោយសារការធ្វេសប្រហែសណាមួយ។ សូមបើកបរ គោរពច្បាប់ចរាចរណ៍ និងធ្វើដំណើរមានសុខសុវត្ថិភាពនៅគ្រប់ទីកន្លែង"

សម្ដេចតេជោ​ ហ៊ុន​ សែ​ន​ មានប្រសាសន៍ថា​  "ខ្ញុំសូមជូនពរបងប្អូនជនរួមជាតិ និងក្មួយៗជាទីស្រឡាញ់ ជួបតែសេចក្តីសុខ និងសំណាងល្អគ្រប់ៗគ្នានៅក្នុងឱកាសបុណ្យចូលឆ្នាំថ្មីប្រពៃណីចិនខាងមុខនេះ"

Sponsor