សូមរំលឹកផងដែរថា កាលពីថ្ងៃទី៤ ខែកម្ភៈ ឆ្នាំ២០១៩ ម៉ោងជាង ៣រសៀល ចំថ្ងៃសែនចូលឆ្នាំចិន នៅចំណុចមុខផ្ទះលេខ ២១៣AE0 ផ្លូវលេខ ១៣៩ សង្កាត់អូរឫស្សី៣ ខណ្ឌ៧មករា រាជធានីភ្នំពេញ មានករណីផ្ទះអាវុធចំនួន៣គ្រាប់ ដោយករណីការពារខ្លួន មូលហេតុមន្ត្រីយោធានិងបក្សពួកទៅកាងឲ្យម្ចាស់ផ្ទះខាងលើដែលមានបញ្ហាជាមួយផ្ទះខាងក្រោម។
រឿងហេតុ ជនរងគ្រោះដែលមានផ្ទះខាងក្រោម បានទាស់សំដីជាមួយផ្ទះខាងលើ ក្រោយពីមានទំនាស់គ្នា ភាគីផ្ទះខាងលើ បានហៅគ្នីគ្នាមកកាង ក្នុងនោះមានមន្ត្រីយោធាពាក់ស័ក្តិ៥ ឈ្មោះ ជា ពេជ្រចិន្តា និងបក្សពួកជាច្រើនកាន់ទៀតមក។ គ្រាន់តែមកដល់ភ្លាមឈ្មោះ ជា ពេជ្រចិន្តា និងបក្សពួក បានយកដកកាំភ្លើង មកភ្ជង់ជនរងគ្រោះជាច្រើនលើក។ ភ្លាមសមត្ថកិច្ចមូលដ្ឋានក៏មកដល់ ដោយជនរងគ្រោះមានការភ័យខ្លាចពេក ព្រោះភាគីជនបង្កមានកាំភ្លើងក្នុងដៃ ក៏បានទាញកាំភ្លើងពីសមត្ថកិច្ចមូលដ្ឋានដែលជួយដោះស្រាយនោះ ផ្ទុះអាវុធ ចំនួន៣គ្រាប់ ដើម្បីការពារខ្លួន។
ជាមួយគ្នានោះ ជនបង្កត្រូវបានជនរងគ្រោះប្ដឹង ពីបទរៀបគម្រោងប៉ុងធ្វើមនុស្សឃាត និងគំរាមសម្លាប់មួយគ្រួសារ ហើយក៏ត្រូវបានសមត្ថកិច្ចចាប់វាយខ្នោះភ្លាមបញ្ជូនទៅ PM ខណ្ឌ និងបន្តបញ្ជូនទៅPM ក្រុង តាមនីតិវិធី។ តាមដំណឹងការឃុំខ្លួនជនបង្កនោះ បានតែរយៈពេល៣ថ្ងៃប៉ុណ្ណោះ មន្ត្រីយោធាពាក់ស័ក្តិ៥ ឈ្មោះ ជា ពេជ្រចិន្តា នោះត្រូវបានដោះលែង ឲ្យមានសេរីភាពឡើងវិញ។
ការដោះលែងខាងលើនេះ ត្រូវបានមហាជនវាយតម្លៃថា មន្ត្រីយោធាពាក់ស័ក្តិ៥ ឈ្មោះ ជា ពេជ្រចិន្តា រូបនោះ ប្រហែលជា មានខ្នងក្រាស់ និង អាចសែនព្រេនថ្នាក់លើត្រូវហើយមើលទៅ។
ក្រុមគ្រួសារជនរងគ្រោះ មានការព្រួយបារម្មណ៍យ៉ាងខ្លាំងចំណសុវត្ថិភាព របស់សមាជិកគ្រួសារម្នាក់ៗ ត្បិតអីផ្ទះរបស់ជនរងគ្រោះ និង បក្សពួកជនបង្ក នៅជាន់ខាងលើតែម្ដង។ ទោះបីជាមានការដោះលែងបែបនេះក្ដី ក្រុមគ្រួសារជនរងគ្រោះ នៅតែទទូចដល់សមត្ថកិច្ច ក៏ដូចជា ស្ថាប័នតុលាការរាជធានីភ្នំពេញ មេត្តាជួយរកយុត្តិធម៌ ដល់ពួកគាត់ផង ព្រោះរឿងក្ដីនេះ បានដាក់ពាក្យបណ្ដឹងទៅ ព្រះរាជអាជ្ញា តាំងពីថ្ងៃទី០៥ ខែ កុម្ភៈ ឆ្នាំ ២០១៩ មកម្ល៉េះ៕